Minung Pathum Thahnak Kong Ah NUG Ramdang Lei Pehtlaihnak Zung Cathanh
Minung Pathum Thahnak Kong Ah NUG Ramdang Lei Pehtlaihnak Zung Cathanh, 2023 Vaute 22 ah Mararam le East Lairam ramri ah Mizoram mi pathum (pa 2, nu 1) cu aho si hngalhlomi hna nih an thah hna ti kan theih caah National Unity Government , Foreign Affairs Ministry nih kaltakmi chungkhar nan ngaihchiatnak kan in hrawmpi hna.
Hi kong he pehtlai in Myanmar mi cheukhat puh an sinak cu maivan chung ah a tam ngaingai caah kan lung a tha hrimhrim lo.
Hi lainawnnak a tuahtu hi tlai kho dingin le cozah lei le phunglam nawlngeitu tuanvo ngeitu hna nih thithruainak ngeih ding kan dirkamh.
Mizoram ah aa dormi Kawl le Lai ralzaam zapi hna zong nih mahle umnak hmunram mi upatnak he chawnhbiak ding le, hmunram humhimnak le phunglam kilvennak ah i bawmchan dingin upatnak he forhfial kan in duh hna tiah, National Unity Government, Foreign Affairs Ministry nih cathanh an chuah.
