Minung Pathum Thahnak Kongah Pehtlaihnak Lam Phih A Si

Minung Pathum Thahnak Kongah Pehtlaihnak Lam Phih A Si, 2023 Vaute 19 ah kan țuanhawi Pu B.Lalthafamkima TATA ACE Driver le a motor hmangtu Pi Biak Sui le Pu Bablu Talukdar hna hleng riangmang in East Lairam chung ah tuksum ngai in an thah an si ruangah le a motor MZ 039720 an fir hi kan nih Commercial Vehicle Union, Siaha District nih cun a poi a ti ngaingai. Hi bantuk thiltuahmi Burma mi hna hi kan dohkalh hna.

Cun nunnak liammi lakah kan member Pu B.Lalthafamkima aa tel ve ruangah le a motor fir piak a si ruangah kan nih Commercial Vehicle nih cun a motor kan hmuh hlan cu East Lairam he kan i tlawnkainak lam paohpaoh phih dih dingin biakhiahnak a tuah. East Lairam lei in Lirthei Mizoram ah a um mi dihlak cawlcang lo dingin kan in theihter hna.

Hi chiattonnak ah IANA khuatlang le khuakhiangkap hna le zaanghleicawi hna le Khrihfabu cung zongah Mizoram Commercial Vehicle Union, Siaha District nih cun lungthin tak in lunglawmhbia kan chim. Cuti rual cun hi kan hmalaknak ah harstanak nan ton pingpang ah cun nan kan ruahthiamnak lai kan in nawl hna.

Cakilh. Burma an tinak hi East Lairam ti’n ka thlen. East Lairam (Chin State) minung hi Burma mi an si lo. A ramtu hi Myanmar a si, Burma cu Myanmar ah thlen a si cang.