Dohthlennak Hlawhtlin Tiang Kutsih Dingin CNF Nih Zapi Forhfial
Dohthlennak Hlawhtlin Tiang Kutsih Dingin CNF Nih Zapi Forhfial, Nihin cu CNF nih dohthlennak an tuah kum 35 tlin camtuak a si i, CNF nih Chinmi vialte sinah forhfialnak bia a tanglei bantukin an tuah.
” Nihin Vaute 20 cu Chin miphun nih mahte khuakhan lairel khawhnak ding, Federal Democracy ram ser khawhnak ding caah Chin National Front nih dohthlennak a tuah kum 25 tlin camtuak a si i, Chin miphun nih sunghmi vialte ngah khawhthannak ding caah hmunkhat te ah kutsih in dohthlennak tuah dingin forhfialnak an ngeih”.
” Zapi hna nih mahle ti khawhtawk zawn cio in dohthlennak a hlawhtlinnakhnga ah i tel ding, ralhraang he i hawikomh lo ding, mah zawn lawng i ruat lo dingin”.
”Chin National Front, Chin National Army cu zapi dohthlennak thazaang thawntertu a si caah le ralhraang a hram in phongh duh tu, Federal Democracy a duhtu dohthennak tuahmi zei bantuk ram, phu, hruaitu hna he kutsih in hmunkhat ah hmainor ding”.
”Ralhraang dohnak ah Chin zapi bawmchantu hna kan in upat hna, ralhraang nih nawlngeihnak an laktimh in Chinmi harnak phunkip tongmi hna kan ruat thiam hraam u”.
” Ralhraang ruangah zapi nih sunghmi vialte serremh thannak ding ruahchannak zumhnak ngei in, Chinland khuakhan lairelnak, humhimnak, phunglam kan ser lai”.
Chin miphun nih mahte khuakhan lairelnak ngahkhawhnak ding caah hriamtlaih cu kum 1988 Vaute 20 Chin National Fornt cu dirh a si i, Vaute 20 cu Chin Miphun Dohthlennak Ni tiah chinchiah a si.
”Dohthlennak ah nunnak petu hna Nusalțha, Pasalțha vialte Chin miphun nih upatnak kan in pek hna ” tiah CNF nih an thanh.
