Chin Association of Maryland, USA le Central YMA Hruaitu Tonnak Ngei

Chin Association of Maryland, USA le Central YMA Hruaitu Tonnak Ngei, Chin Association of Maryland, USA (CAM) hruaitu Mizoram rak phan hna le Central YMA hruaitu hna cu nizaan zaanlei suimilaam 5:00 ah an i thumhnak Hotel Floria, Aizawl Dawrpui ah tonnak an ngei.

Hi i tonnak ahhin USA in phanmi Rev. Tim Siemens, Board Chairman
Chin Association of Maryland, Inc. (CAM) Pastor (Rtd.), Grace Community Church Fulton, Maryland, USA le Matthew Wilch, CAM Advisor J.D; Arizona State University, Arizona, USA, Pu Zo Tum Hmung, Executive Director, CAM, MPA, Harvard University hna an i si. Central YMA lei in President Pu R. Lalngheta le Office Bearer’s dang minung 3 le CEC member minung 2 hna an si.

Chin Association of Maryland hruaitu hna nih cun Myanmar rambuai ruangah Chin hrinsor Mizo kan unau hna le Mizoram cozah nih a rak kilven hna mi cungah lawmhbia an chim. Chin Association of Maryland cu US Federal tangah register tuah an si ning le Washington DC zong nih Mizoram zapi rianțuannak a theihpinak, USA cozah nih ralzaam a bawmchantu hna bawmchan dingin lam an kawlnak kong an chim. International Court tiang kal an timhnak he pehtlai in ralzaam harsatnak le an dirhmun zohfel dingin a rak phanmi an sinak kong an chim. Mizoram hmunkip ah ralzaam um mi hna tlawn an timhnak kong an chim.

Central YMA hruaitu hna nih cun kan unau hna harsatnak an ton ruangah nunhimnak kawl in Mizoram phan an rak cohlan hna ning le an hmalaknak an chim. Chin Association of Maryland hruaitu hna an hmalaknak ah lawmhbia an chim in an i timhlamhmi kongkau zongah bawmchanh dingin timhcia an sinak an chim.