B20 MEETING NGEIH A SI
G20 meeting onnak le tonpumhnak cu nihin ah Mizoram khualipi Aizawl, Mizoram University Auditorium ah an tuah. Hi caan ahhin Chief Minister Pu Zoramthanga, Minister of State for Commerce & Industries Pu Som Parkash le Minister of State, External Affairs Dr. R. K. Ranjan Singh hna an i tel. B20 meeting onnak i tonnak ahhin Confederation of Indian Industry (CII) Co-Chairman Pu Pradeep Bagla nih caanhruai in a rakchuak kho mi hna cungah lawmhbia a chim. Chief Minister nih cun India ram ah G20 meeting phunphun ngeihnak lakah Mizoram le Chimlei State dangdang hna ah tuah a si cu a sunglawinak kong le: Prime Minister Narendra Modi cung zongah lawmhbia a chim. Mizoram hi Investment hmun tha a si nakhnga hi meeting ah langhter a si lai ruahchan a si. Chief Minister nih cun horticulture, agriculture le state economy kongkau hna chim in, hi conference nih aa hmuitinhbik – Urban Planning, Infrastructure, Bamboo, Startups, Skill Development le Nursing and Paramedics hna cu Mizoram nih potential a neih that lai kong a chim. I pehtlaihnak caah railways le airways hmalak a si peng hlei ah Kaladan Multi modal Proejct kalpi chuahmahmi ah chawlehnak caah a that lai zum in Mizoram cu chawlehnak hmunpi ah ser a si lai a chim. Hi B20 meeting ahhin state le ram caah hlawknak a si lai ruahchannak kong Chief Minsiter nih a chim.
External Affairs Minister Dr. R. K. Ranjan Singh nih ” Mizoram cu literacy rate sang ngai a si hlei ah mirang holh hmang kho tampi an um caah, mino cathiam an tam caah hihi thahnem pi in business ram ah ser khawh a sinak kong a chim. India economy cu a rauh hlan ah vuleipi huap a si lai nak le a hlei in, multilateral business partnership ser kongkau ah hmalak a sinak kong a chim. India chimlei state hna cu Asia lei he pehtlainak caah le chawlehnak caah a biapimi a si tiah a chim”.
Commerce & Industries Pu Som Parkash zong nih ” India cu vulei cungah start up eco-system nganbik lakah a tel nak kong le Chimlei State dang hna caah le Mizoram cu investment nak hmun tha a sinak kong a chim. Industry phunphun ah Chimlei state hna cu thanchonnak lei caah cozah pi nih a tuannak le a hlei in National Bamboo Mission in mau in economy thanchonak an tuannak kong a chim. Healthcare lei ah, a bikin nursing and paramedics thanchonak Mizoram nih potential a neih kong a chin, miphun ziaza nih a tlaihchih fawn, handloom and handicraft hna ah, service sector ah le thil dang dangah Mizoram cu thanchonnak tampi a neihnak kong a chim. Nihin i tonnak nih thiltha a chuahpi lai a zumhnak kong a chim fawn”.
Pi Rupa Dutta, Principal Economic Adviser, Department for Promotion of Industry and Internal Trade, Government of India le Dr. Renu Sharma, Chief Secretary hna nih bia an chim fawn. Home Department Commissioner & Secretary Pu H. Lalengmawia nih lawmhbia chim in caamkhar a si. B20 meeting onnak i tonpumhnak neih hnuah Chief Minister le Minister of State pahnih hna nih press conference an nei. Cu hnuah plenary session pehzulh a si. Urban planning, Infrastructure, Bamboo, Startups, Skill Development, Handloom & Handicraft, Nursing & Paramedics caab Multilateral Business Partnership ser khawhnak caantha ruat in, Business to Business (B2B) le Business to Government (B2G) meeting hna CII ah tuah a si. B2B meeting ahhin State leng in ra mi Business Delegates hna nih local industry neitu hna sinah i komhnak caan an neih hlei ah B2G session ahhin cozah department cheukhat, a bikin Health, Urban Development, Commerce and Industries, Tourism, Sports & Labour Employment, Skill Development and Entrepreneurship tuannak kong chim a si.
Hi meeting ahhin delegate hna hmuh ding stall ser in Mizoram ah industry hna thilser langhter a si. B20 meeting ahhin ram 17 (Argentina, Bangladesh, Bhutan, Canada, Costa Rica, Cote D’Ivoire (Ivory Coast), China, France, Germany, Ghana, Japan, Nepal, Russia, Sri Lanka, South Africa, United States le Zimbabwe) in an rak rat hlei ah Indian le local business ngeitu hna an i tel. Visiting dignitary hna hi overseas business delegate 48 le diplomat 17 an si. Bhutan, Bangladesh le Japan in a ra mi zong an um. Zaanlei ah MZU ah zaanriah timhlamh piak an si. Thaizing Aizawl Chapchar Kut lawmhnak ah delegate hna hi i tel dingin Mizoram cozah nih an sawm fawn hna.
