Lawngtlai ah State Day voi 37 nak hman a si
Lawngtlai ah State Day voi 37 nak hman a si, Mizoram State Day voi 37 nak cu nihin ah Lawngtlai DC Conference Hall ah hman a si i, Zipeng Pu David Lalthantluanga cu khuallian a si.
Khuallian, Lawngtlai Zipeng nih Lawngtlai District zapi State Day kuttlaihnak ngei in, State sinak cu harsa ngai in hmuh a si. Ram hruaitu, cozah riantuan, zaanghleicawi hna, Khrihfabu, ramkhel party, media le zapi hna nih ram thanchonak ah hmunkhat ah tuankhat dingin a chim. District thanchonak caah cawnnak lei biatak te’n tanlak a hau, miphun dawtnak lungthin put in le mah te’n pum pawcawmnak hmuhkhawhnak caah tanla dingin District zapi sinah sawmnak bia a chim.
Lawngtlai ah State Day lawmhnak caan hi Lawngtlai Additional Deputy Commissioner Pu Abraham Beirazi Khithie nih hruai in, kum 1986 Pur 30 ah MNF le India cozah remnak biakamnak an tuah hnu kum 1987 Nohawng 20 ah Mizoram nih State sinak a hmuhning a chim. Cun Presbyterian Church of India (PCI) Lawngtlai Pastor Bial bialtu, Rev. K. Zalawma nih caanzarh a hman. Nl. Lalhlimpuii nih Mizo Miphun Hla, “Ro Min Relsak Ang Che” timi dawh ngai in a sak.
Nihin Lawngtlai State Day lawmhnak ahhin State cozah tang ah Official hna, zaanghleicawi hruaitu hna le media hna an i tel.
