Pu K. Hre Kung(MDC) Raltuk Silomi Laiholh An Cawn I An Thiam Ko

Pu K. Hre Kung (MDC) Raltuk Silomi Laiholh An Cawn I An Thiam Ko, Phu hna nih caan an hman i caan an tlaih tikah, Laifa ka si, Lainu ka si, Laiholh in caan ka hman khawh lo hi cu ka ningzak tuk, hmaikum cun ka thiam hrim lai tiah an chim nain a hmaikum chuak zeihlei lo. Kum 1992 in Lai caholh nunphung ka phurh ve cang i a har ngaingai ko, asinain lungdong lo in kan thi ah a thluk a um rih. Kan thihtik ah kan fale tule zei ti’n an um lai, a tu hin rengh a hau, Mar holh nih ankaa a lak ngai hna, innchungtang ah Laiholh an hmang ko mi, leng an chuah tikah hawi pahnihthum he an um Mar holh thiam an hmang kan thihtik ah cun Laiholh hi a dih ko lai, cawn duhnak in theihternak/chimhhrinnak tuah an hau.

Laibia le holh a cawngmi nih an thiam, a cawng i a thiammi an um len ve, raltuk zong a si lo mi an cawng i an thiam ko, cawn ding a si. Chungkhar zongah rengh hau kan thih hnuah kan fale kan tule nih an kilven a hau. A tu kan sining in cun thlan kan tlak hlan ah Laiholh tlau cang, huamtaktak timhtaktaknak lungthin a um lo, asinain lungdong lo in thlacamnak he tan hau. Khuachak lei in rami hna zong a rauh hlan ah Mar holh nan uar thiam lai. Mar holh holh hi Permit ah nan ruah, nan himtuk ko, thinphan ding a um lo, ka innthlang ah Matupi lei pumpululh an chuih tawn, anmah Matu holh in holh lo in Kawlholh in an holh, Matu holh in zakhat ah sawmsarih cu an i thei ko, Bru, Chakma, hi khoika an phanh hmanh ah an holh an philh lo, Bru hrimhrim cu an philh lo, ralkap an si zongah Gahati i an chiahnak hna zong an philh bal lo.

Laimi nih phunglam kan ngeih, nupi thit tik zongah, cu kan phunglam cu hmang lo in Lawngtlai phun an hei ti, Mar tidan Lushai tidan kan i lak. Kan phunglam kan kilven kan tlaih a hau, kan kilven tlaih lo ah cun a tlau ko lai.
The Lairam Times Kumkhat Tlinnak Ah A Chimmi Chungin Tawinak