Turkey Le Syria Lihnin Ah Nunnak Liammi 7800 Leng Phan

Turkey Le Syria Lihnin Ah Nunnak Liammi 7800 Leng Phan, Turkey le Syria lihnihnak ah nunnak liammi minung 7,800 leng an si cang, inn nih cimhhnawhmi hna zong kawlhawlnak an tuah cuahmah.

” A nu kan chanhchuah ah auaw kan theih i, a pasal ah kan ruah, a rannak in kan zuanhnawh i, ngakchia pakhat kan chanhchuah khawh ” tiah ngakchia chanhchuah tu Saleh al-Badran nih a chim.

Ngakchia nulepa telh in chungkhar 7 an nunnak liam ti zong a chim chih, nikhatni ah aa thawkmi lihnihnak ah inn thong leng a rawk, aa hrengmi minung zeizat an um rih hngalh a si lo, lihnihnak ruang ah hliamtuarmi thong leng an si.

Lihnih faknakbik Turkey ram Gaziantep le Kahramanmaras khua ah inn lo rawkmi tambik hliammi zong an tambik, cucaah Turkey President Recep Tayyip Erdogan nih nichuah chaklei hmunram 10 ah thlathum chung lakhruak caan a thanh. American, China hna le ram dangdang hna nih bawmhding in an kamh.