Lawngtlai ah Fire Prevention Week 2023 on a si
Lawngtlai ah Fire Prevention Week 2023 on a si, Lawngtlai District Level Committee on Fire Prevention (DLCFP) thithruainak in Fire Prevention Week 2023 onnak cu Lawngtlai DC Conference Hall-ah Lai Autonomous District Council (LADC) Chief Executive Member (CEM) Pu V. Zirsang telh in nizaan ah tuah a si.
LADC CEM Pu V. Zirsang nih cun meikangh chuahnak nih ram le thingram a hrawh, thilnung hna le minung eidin thar a hnorsuan, khuacaan a chiatter, ramkaang venhimnak ah cozah, phu le pumpak kan biapi tuk, meikaangh a chuahtak cu minung kan i fimkaan lawng ruang ah a si. Fak pi’n i chimhhrin kan hau, District chung ah hmun le lo ngeitu hna cu tha te’n meilam sial dingin lw, District zapi hna nitin tintuk khuasaknak ah meikaang a chuahnak hnga lo i ralrin dingin le, meikaang venhimnak kong ah cozah le phu hna he tuankhat dingin a biacahnak a ngeih.
Hi meikaag venhimnak onnak hi Lawngtlai Additional Deputy Commissioner Pu Abraham Beirazi Khithie nih hruai in, Lairam Christian Medical Centre & Hospital i Chaplain Rev. C. Ngurengmawia nih caanzarh a hman, DLCFP Member Secretary, LADC, District Council Conservator of Forests Pu K. Lalromawia nih report a pek, zapi a chuak kho mi nih ramkaangh lo dingin le midang chimhhrin dingin biatiamnak an ngei. Lawngtlai District Village Council Association President Pu Elvis Lalthangzuala sinin biachimhnak ngeih a si fawn. Lawngtlai District Rural Development Office Project Director Pi Marilyn Rualzakhumthangi nih lawmhbia chim inn caanhmannak khar a si.
Nizaan Fire Prevention Week onnak ahhin LADC Chairman Pu VL Hmuaka hlei ah, State le LADC tang official hna, VC le zaanghleicawi hna le media pawl an i tel.
Fire Prevention Week hi Mizoram ah kum 2000 khan hman hramthawk a si, tukum hi a voi 24 nak a si. Kum 2009 khan district le village level fire prevention award thawk si i, Mizoram district kip lak ah Lawngtlai District hi kum 2010 & 2015 ah pakhatnak, kum 2019 ah pahnihnak le kum 2014 ah pathumnak a rak si ve cang.
