Khamnak A Um Ko Nain Aizawl Ah Duhnak Langhter A Si
Khamnak A Um Ko Nain Aizawl Ah Duhnak Langhter A Si, Ralhraang nih nawlngeihnak an laktimh kum hnih tlin le Mizoram cozah, khuatlang hruaitu phu, Mizo zapi cungah lunglawmhnak langhternak cu Nohawng 4 ah Aizawl ah Laimi minung zeimaw nih an langhter.
Mizo zapi cungah lunglawmhnak langhternak catar kengmi upa pakhat nih cun ” Kan i lawm Mizoram,
ralzaam nih duhnak langhter ding kan si nain Central cozah nih a kham ruangah țhulh a si ”.
“An ṭhulh timi thei lo mi kan nih kan chuaklang, lunglawmhnak kan langhtermi cungah a poinak ding a um ka zum lo” tiah a chim.
Duhnak langhter lamzawhnak hi Aizawl i um Kawlmi le Laimi tampi i tel in Nohawng 4 zinglei suimilaam 7 in 9 tiang aw-chuah-lo lamzawhnak ngeihtimh a si, nain Nohawng 3 ah India cenral cozah nih khamnak an tuah.
India cozah nih a ramchung um Kawl le Lai ralzaam duhnak langhternak timhmi hi voi 2-3 a kham cang, kan hnu Nohawng 1 zongah Delhi khuapi ah ralhraang dohkalh in NUG dirpinak lamzawhnak ngei dingin timhtuah a si na’n an thawk hlan ah India Central cozah nih a thulh ter cang hna.
