Pakistan Ah Nunthap Bomb Puahnak In Minung 100 Nunnak Liam
Pakistan Ah Nunthap Bomb Puahnak In Minung 100 Nunnak Liam, Pakistan ram nitlakchak ah nizaan ahkhan nunthap bomb puahnam a chuak i a tlawmbik minung 100 an nunnak a liam, nunthap bomb puah timtu pa hi pumhnak an tuahnak ah a hmaibik ah a dir i bomb hi a puah tiah runvennak Minister nih a chim.
” Bomb puah timtu pa innchung i a luh cu thinphang ngai a si, minung tampi an nunnak a liam” tiah Pakistan runvennak minister Khawaja Asif nih a chim.
Khyber Pakhtunkhwa hmunram khuapi pakhat ah hi bomb puahnak hi a chuak i, hliamtuarmi minung 150 leng an si. Nihnihni tiang hliamtuar le nunnak liam kawlhawlnak an tuah rih.
Prime Minister Shahbaz Sharif nih hi dohnak hi fak ngai in a dohkalhnak a langhter. Pakistan Prime Minister hlun Imran Khan zong nih hihi cu ralhraang thiltuah a si tiah a dohkalhnak a langhter ve.
