Pakistan Ah Zapi Citmi Leileng Lehnak In Minung 40 Leng Nunnak Liam
Pakistan Ah Zapi Citmi Leileng Lehnak In Minung 40 Leng Nunnak Liam, Pakistan ram chaklei Quetta khua in thlanglei Karachi khua lei ah a kalmi zapi citmi leileng pakhat cu nizaan ah Balochistan ramkulh, Lasbela pengkomh ah ruahlo pi’n aa leh caah minung 41 nak tlawmlo an nunnak a liam.
” Zapi citmi leileng ruahlo pi’n aa leh caah minung 41 an nunnak a liam, minung 3 hlaim an tuar, hliamtuarmi hna cu sii-inn ah panhpi an si, nunnnak liammi hna hi fianghlang in theihfian an si lo caah DNA ah zohfel dingin panhpi aj di ” tiah bawmchantu phu in tuanvo ngei Faisal Edhi nih a chim.Hi leileng hi a rantuk caah hlei a panh i lamkuaihnak zawn ah lamthlang ah an tla i, a kaang tiah Lasbela pengkomh zipeng Hamza Anjymk nih Dawm thawngzamhnak ah a chim.
Nizaan thiam ah Pakistan nitlakchak ah a ummi Tanda Dam tiva ah tilawng a pil i ngakchia 10 an nunnak liam tiah nawlngeitu hna nih an chim. Tilawng cungah ngakchia 17 le siangcachim pakhat cu bawmhchanh an si ko nain ngakchia 4 an dirhmun a tha lo tiah Dawn thawngzamhnak nih a langhter. Hi ngakchia pawl hi an dihlak in Islam biaknak sianginn i siangngakchia an si.
.
