Lawngtlai ah District Level SEDP Committee tonnak ngei

Lawngtlai ah District Level SEDP Committee tonnak ngei: Nizaan Tangkawng 27 ah Lawngtlai District Level Socio-Economic Development Policy (SEDP) Committee cu an Chairman, Lawngtlai zipeng Pu Amol Srivastava telh in Lawngtlai DC Conference Hall ah tonnak an ngei.

Chairman Pu Amol Srivastava nih member rak chuak kho mi hna sinah lawmhbia a chim in le, SEDP cu District chungah kut riantuan hna caah kalpi a si khawhnak line department hna cu theih tawk chuah dingin le, beneficiary hna thithruainak ah thlahthlam lo in kalpi ziahmah dingin a cah.

Hi caan line department hna sinin hmalaknak report ngeih a si, hmalaknak kalpi diahmah dingin chimrel a si.

Lawngtlai District chungah department pariat tangah SEDP beneficiary 4,500 an um, Agriculture Department tangah beneficiary 1,640; AH&Vety Department tangah beneficiary 1,909; Commerce & Industries Department tangah beneficiary 329; Fisheries Department tangah beneficiary 79; Horticulture Department tangah beneficiary 180; Land Resources, Soil & Water Conservation Department tangah beneficiary 282; Sericulture Department tangah beneficiary 23 le Urban Development & Poverty Alleviation Department tangah beneficiary 58 an um. Hi department kip tangah trade kip i beneficiary hna sin ahhin SEDP bawmhnak 1st instalment cu pek dih an si, beneficiary nih hmalaknak an kalpi cuahmah.