Nu Media Riantuan 3 Iraq Ah An Tlaih Hna
Nu Media Riantuan 3 Iraq Ah An Tlaih Hna, Iraq ram a luancia nihnih ah khan nu Media riantuan 3 cu nawlngeitu nih an tlaih hna tiah an ram tualchung media nikhatni ahkhan an langhter. Hi nu media riantuan Melika Hashemi , Saideh Shafiei, Mehrnoush Zarei hna cu cozah dohkalhtu hna thongthlaonak Evin thonginn ah an kuat hna tiah temad media nih a langhter.
An lak ah Saideh Shafiei hi media lawng siloin lenhoi tialmi zong a si chih, Mehrnoush Zarei hi catialtu hna cauk chuahpitu a si. Hashemi hi Shahr tiah min ngei ngaimi media ah riantuanmi a si. An pathum in a hnubik an thawng fianghlang in theih a si rih lo.
Iraq ram ah cozah dohkalhnak aa thawk hnuin thla 4 chung ah media riantuan an tlaihmi hna hi zatuak 80 hrawng an si. Dohkalhnak a fah hnu in Iraq media minung 300 leng minthut in cozah nih an tlaih hna, cucaah Temad media nih cun rammi sinak a buar tiah thanhnak a tuah.
