Philipine Ram Tilian Ah Minung 50 Leng Nunnak Liam
Philipine Ram Tilian Ah Minung 50 Leng Nunnak Liam, Philipine ram Christmas hrawnghrang ah khan ti a lianh caah nunnak liammi minung 51 an si i, a tlaumi hi minung 19 an si tiah nawlngeitu hna nih nizaan ah an chim. Ti lian ruangah minung thong leng lakhruak dornak ah chiah an si.
Ram in thlanglei Mosamis Occidental ramkulh a ummi hna cu ti a ngan ruangah harnak fak pi an tong. Tiva kam Cabol anonan khua ahcun ung kung pawl an hram in a pur, inn lo hna zong thetse nih a phum deng tete in an um an rawk hna.
National Disaster Risk Reduction and Management Centre (NDRRMC) nih an thanh ning ah Mindanao chaklei hmunram hi a fakbik minung 25 an nunnak a liam. Nunnak liammi a tambik hi ti ah pil ruang le vulei nih minh ruangah a si, a tlaumi hna tam deuh cu ngatai lawng aa leh caah a si tiah an langhter.
Hmuntam pi ah ti a zor cang nain minung 8600 leng harsami dornak ah an um rih. Ti ngan ruangah inn 4500 leng, lam, hlei an rawh bantukin hmun cheukhat ah ti le mei an rawk tiah an langhter chap.
