Sangau – Saisihchuak Lampi Remh Khawh Lo Dawh A Si, Pu H.Rammawi
Vice Chairman, Mizoram State Planing Board
Sangau – Saisihchuak lampi hlatnak ding caah Rs 66 Crores kan sung kho men, a poi ngaingai, lam tuahtu ding hruaitu hna an lungdong, letthan ding zong poi an ti lo nak cu 2022 Sikpar 18 ah Mizoram Planning Department meeting ah an chim. Pangkhua he hmunkhat ah tuannak ah i hmuhthiam lonak a um caah zeihmanh an tuan lo. Kum 2020 khan rian in pek an si. Kumhnih chungah lim ding ti a si. Kum 2 a liam cang, zeihmanh an tuan lo, 14th Finance Commission tangka a si, 14th Finance Commission period a dih cang fawn.
A si khawhchung i zuam i hi lam sersiamnak caah kan tangka manlo ah can dingin a lang, zeitik ahfah Fund kan hmuh khawh ti lai ti ruah ah sivang a si ko. Hakha – Sangau – Lawngtlai i pehtlaihnak caan a rau rih lai. A hnuah Detail in Press Statement zonf chuah a um men lai, Publi Leaders kan lungrual lo ruangah a si.
Hi kong he pehtlai in PWD nih hma an laknak
- Hnahlan to Tio
- Champhai Zote toTio.
- Lungbun to Kolodyne ah, cun Formation Cutting 90 percent hrawng hlawhtlinnak (achievement) an ngei dih.
Ca dang rel ding, Hmuhning, Salai K. Robert Biakcin, Hriamnam tluk in biafang hi sullam a ngei. Kum 2021 Nohawng hramthawk ah Kawl ralhraang lubik Min Aung Hlaing fialnak in cozah tlai lio NLD hruaitu hna a tlaih hna thongah a khumh hna, zapi covo chuh a timh, nawlngeihnak lak a timh caah Myanmar ramchung ramkulh le ramthen ah sualnak ngeilo thisen le sualnak ngei Kawl ralhraang thisen a luan lawng siloin in inn le lo satil arva hna nih an tuar, tarnu tarpa, ngakchuan semmawng hna nih inn lo chuahtak in, thingram tang ah le innpa ram, India ram le Mizoram, Central Lairam ah i dor a si.
Zapi zalam zawhnak ah Kawl ralhraang le palek nih lamzawhmi meithal in an kah hna hnuah, ” Rallokap” timi biafang a chuak i, hla tiang zongah ” Rallokap ” timi an saknak a um.
Myanmar ram, ramkulh le ramthen a dai kho lo, Kawl ralhraang nih an uk penmi khua le peng ngaingai a um lo, kumpi kumhnih tlin lai tiang zongah, anmah cangai khorhnak te ah nawl an ngei cucaah ” Nawlngeihnak Latu ” ti hi an phu lo ngai ko. “Nawlngeihnak Lak An Timh ” biatu a si hnga lo maw? Tlangvaal pakhat nih nupi a thit lai ahcun , khualtlun ni ah vok sumh 5 thah ding tiah timhcia in a chiah a hau, thitumh ni ah a dir ah caw/na, arsa ah vokthau sumhruk, khuami 200 le khual 50 ei ding ah facang tun cuzat ti le herhhai dangdang a zalh dih ahcun, thitumh ni ah zeihmanh chambaunak a um hnga lo, asinain minung a chuak chom zoh in satil that hna sehlaw, ei lai lawngah a chuakmi hna an um lai caah an bu le an sa an hminh manh hnga lo pei tiah.
Nihin ah Kawl ralhraang nih ” Nawlngeihnak cu a la kho taktak lo, ramchung a uk kho taktak lo ti usilaw kan palh hnga maw? ” Nawlngeihnak a lak ” ahcun ramkulh pakhat tel a uk khawh ding a si hnga lo maw? ramkulh pakhat te zong a uk tung lo ahcun nawlngeihnak latu ti a phu hnga maw? Laktimh le Myanmar ram uk le hruai a timtu, Nawlngeihnak laktim tu ti an phu deuh ko rua.
