Tanzania Ram Vanlawng Tlaknak Ah Minung 19 Nunnak Liam
Tanzania ram Victoria rili cungah nizaan ah vanlawng a tla i aa citmi minung 43 chungah minung 19 an nunnak a liam tiah Prime Minister Kassim Majaliwa nih a fehter.
Vanlawng hi Tanzania in Precision Air thli lei in a kal mi a si i, nitlak chaklei Bukoba phanh hlan meter 100 hrawng aa hlatnak ah a tla tiah palek bawi William Mwampaghale nih a chim.
Mangki pa nih cun khualtlawng minung 39 le vanlawng riantuan 4 telh in PW 494 vanlawng cu Dar es Salaam in Kagera leo a zuan ah tu bantukin a tla i, minung 26 chanhchuah an si tiah a chim.
Tu bantuk thilcang kongkau ah hliamtuar le nunnak liam ngaihchiatpinak cu President Samia Suluhu nih a chim ve.
Thawngdang, American Hruainak In Tuahmi Raltuk Cawnnak Cu Lehrulh A Si Lai Tiah North Korea Hrocer, American le South Korea hmunkhat raltuk cawnnak cu fianghlang in lehrulh an si lai tiah North Korea nih an chimnak cu ram nih ngeihmi KCNA thawngthanhnak nih a langhter.
American le South Korea nih a biapimi vanlei raltuk cawnnak cu nizaan tihni te ah an dih i, zarhteni ah khan Misile hneksaknak telh in North Korea ram nih Misile hneksaknak a tuah ah tu bantukin ralrinnak a chim.
Ral North Korea dohkalhnak caah cawnnak tuahmi hna cu fiangko in lehrulh an si lai tiah North Korea ralkap zung nih an thanhmi zongah aa tel fawn.
North Korea nih nai te ah Misile hneksaknak a tuah hnu kan hnuzarh chungah America le North Korea hmunkhat raltuk cawnnak an tuah hi hmuitinh an ngei tiah an langhter.
” Ral hna nih raltuk cawnnak an tuah cu ralthawh duhnak caah tuahmi a si tiah North Korea ralkap lei ” nih an chim.
Hmunkhat cawnnak tuah hi North Korea ram nih ralthawhnak a tuah tikah rianran in lehrulh a si nakhnga timhcia in umnak hnga caah cawnnak langhternak a si tiah South Korea hmunkhat fonh ralkap zung nih an chim.
American le South Korea hmunkhat raltuk cawnnak hi ralthawh duhnak ruangah a si tiah a ruatmi North Korea ram cu fak ngai in dohkalh a si.
Nai te ah North Korea ram nih an kahmi Misile pakhat cu South Korea hmunram pawngah a tlak caah, South Korea President zong nih mi hmunhma buarpiak a si tiah a chim.
