EN&CC Department LADC Le CYLA Minthutnak Ngei

Environment Forest & Climate Change Department LADC le Central Young Lai Association Lawngtlai Minthutnak Ngei 2022 Sikpar 2 ah Environment Forest & Climate Change Department LADC le Central Young Lai Association Lawngtlai hna cu tonpumhnak ngei in le minthutnak cu LADC Chief Executive Member Conference Hall ah an tuah.

Hi tonpumh minthutnak hi, Pu H.Lalruatkima Executive Secretary LADC nih a hruai i, tonpumhnak le minthutnak a ruangbik herhhai chim a si.

Pu H.Lalruatkima ES nih Pu V. Zirsanga CEM LADC, EF & CC Department LADC nih cun kan ram le miphun caah zaanghleicawi in, tu ah tuankhatnak ding minthutnak kan tuah, kan ramchung ah thing le mau, thilnung humhak ahhin kan tule fale caah boruak tha le Lairam nuam kan ser hi a biapi taktak. Kan nih Environment Forests & Climate Change Department LADC nih a si khawhchung in hmala hmanh usilaw, lungkhan in kan tuan kho lo, asinain fak chin in tuan kan i timh caah Central Young Lai Association hi kan ram ah phu lianbik le thawngbik nan si bantukin tuankhat hi tha kan ti, nanmah he kan tuankhat ahcun kan ram le miphun karhlannak ah theitha a chuah lai kan i ruahchan. A herhnak le a biapitnak ahcun i chawn in hmalaknak ah kan naule zong tuanning cang chimh in hmainor chin usilaw, hi bantukin minthutnak kan ngeih khawh hi kaa lawmtuk tiah a chim.

Pu HC. Vanlalruatpuia CYLA President nih EF & CC Department LADC nih Agreement kan sign khawh hi lawmh a um tuk hringhran. Caandang ah riantuan khatnak cu ngei hmanh usilaw, tu bantukin biapimi Agreement sign hi a um lo, Pu V, Zirsanga CEM LADC cozah tangah, kan ram le miphun karhlannak ah tonpumhnak le minthutnak kan tuah khawh hi CYLA cu kan i lawmtuk. Liamcia caan ah thingah phurh kongkau ah hmalaknak kan ngei cang i, a tlamtling lo mi zong tampi a um lai caah ngaithiam kan in hal hna. Agreement felfai te’n kan tuah khawh i hmalaknak kan pehzulh lai, CYLA zong nih ram le miphun humhak ti’n Kumpuan Committee kan ngei fawn. A si khawhchung in felfai te’n hmalak kan i tim lai. A herh ningin ruahnak pe dingin tonpumhkhat hna he kan Agreement sign a hlawhtlinnakhnga tuankhat hna usilaw, tonpumhkhat he min kan thut khawh hi cu lawmh a um tuk tiah a chim.

Pu K.Lalromawia, DCCF LADC nih CYLA he Agreement kan sign khawh hi lawmh a um tuk. YLA hi kan ram le miphun caah a si khawhchung in riantuanmi nan si. Agreement kan tuah lo hmanh ah, kan ram caah kan tuankhat i, ram meikang le thilnung humhaknak lei ah kanmah tel lo in fak pi’n nan tuan, lawmh a um tuk, tu ah tuankhatnak ngei kho dingin Pu V.Zirsanga CEM, EF & CC Department hna zaanghleicawinak thawng in tuankhat kho dingin minthutnak zong kan tuah, hi Agreement sign hin lungrual te’n tuan usilaw, thiltuah dingle herhhau um paoh ahcun a si khawhchung in tuan hna usilaw tiah a chim i: Agreement Sign dingah thil herhhau le theihherhmi biapi a chim fawn.

Hi hmun ahhin, Rev A.Vanlaldinpuia, LIKBK nih caanzarh a hman i, biachimmi ngeih a si hnuah Pu H.Lalruatkima Executive Secretary LADC hruainak in Agreement signed tuah a si. EF & CC Department LADC aiawhin, Pu K.Lalromawia DCCF LADC nih a signed, Central Young Lai Association (CYLA) aiawhin, Pu HC. Vanlalruatpuia President nih an signed. Agreements Signed theihpitu hna, Pu H.Lalruatkima Executive Secretary LADC, Pu Joseph Lalhmingthanga Cinzah General Secretary CYLA nih an signed fawn.