Champhai District Ah Myanmar Lei In Caw Luhpi Ngah Lo
The Lairam Times, West Lairam, Lawngtlai 21 Tho 2022: Nai teah caw sinin satil zawtnak Foot & Mouth Disease (FMD) hmuh a si hnuah Champhai District i, Myanmar ramri naih khua thenkhat ah hi zawtnak bantuk hi caw sinah hmuh an si caah, District Magistrate, Pu James Lalrinchhana nih satil zawtnak hi State le District a hnorsuannak hnga lo caah Sec. 144 CrPC, 1973 (Act II of 1973) nih nawlngeihnak a pek bantukin a tanglei bantukin khapnak an tuah.
- Champhai District chungah Myanmar lei in caw luhpi a ngah lo.
- Champhai District chungah caw phurh lak rih lo ding, zawtnak ngeilo an si zongah hmundangah phurh thial khap a si.
Hi nawlpeknak a zullo mi cu IPC Sec. 188 in hrem an si lai. Hi nawlpeknak nih hin 21 Tho 2022 in thlahnih tiang a nguh lai.
Thawngdang: 19 Tho 2022 ah CYLA Kumpuan Committe nih Kumpuan tlangtar ” Ram le Miphun Humhak” ti hmanlaknak tuanchuah in Education Officer, Primary Education Department le Education Officer, Middle Education Department hna cu an office ah leng in biaruahnak an ngeih hna.
” Ram le Miphun humhak ” nak caah a biapi taktak mi ” Laiholh” tlaihchan duhnak a um khawhnakhnga ” Kan miphun holh” hmanak kongkau ah biaruahnak an ngeih hna, Lairam chungah, Primary School le Middle school ah Laica cawnpiaktu umzat le an dirhmun halnak ngeih a si. Laiholh hman khawhnak i hmaifonnak ding caah Education Department hi an biapi ngai. Laica cawnpiaktu hna kong ah Executive Member, Primary Education Department le Executive Member, Middle Education Department hna cu caantha a umle cangka an office ah biaruah ngeih ding an i tim.
Cun 20 Tho 2022 ah Pu Salai R. Lahnim, Pu LH Lalhmunmawi le Central YLA biaruahnak an ngei i Central YLA nih biatak te’n Laica le Laiholh kong ah rianțuan an timhnak kong an rak ruah hna tiah kan theih.
Lai caholh kong lawng siloin, thingram humhaknak kong ah cozah he zong riantuan ti an i tim. Cun lamsul remhnak kong zongah hma an lak cuahmah lio a si.
West Lairam chungah Lai caholh a nun chin nakhnga caah sianginn kip ah, Lai cachim hna zong a herh ningin chapnak kongkau zong an caihchih tiah kan theih.
Hi bantuk thawngpang kan theih tikah kan nih pumpek liangkhinh in Lai caholh a dirkamhtu The Lairam Times cu kan zaang a tlung ngaingai ko. ( Editor )
Mizoram Palek Nih Suimilaam 24 Chung Ah Heroin Rs Sing 2800 Leng Man An Tlaih, India-Myanmar ramri Mizoram Champhai pengkomh palek nih suimilaam 24 chung ah Rs Sing 2800 leng man Heroin hmun 4 ah an tlaih.
19 Tho 2022 zaan suimilaam 11:30pm ah Champhai pengkomh, Tuipui khua pawng ah motor pakhat zohfelnak an tuah i, Zokhawthar mi 2 sinin Heroin Kg 5 leng an tlaih. Zaan suimilaam 9:00pm hrawng ah Vaphai khuami pakhat sinin Kg 24 man kan tlaih tiah Mizoram palek nih 20 Tho ah an thanh.
19 Tho zinglei thiam ah Kankaw checkgate ah khuami pakhat le Myanmar mi pakhat sinin Kg 24 man le 20 Tho zing ah Tarpho khuami pakhat sinin Heroin Kg 156 man an tlaih.
Mizoram palek nih suimilaam 24 chungah an tlaihmi Heroin man hi International marketing in Rs sing 2800 leng man a si.
