Hakha – Thantlang Kar Kahdohnak Ah Ralhraang Thi An Tam
Hakha-Thantlang Kar Kahdohnak Ah Ralhraang 25 An Thi Chinland Ralkap 4 Nunnak Liam
Chin National Army (CNA) le Chinland Defense Force (CDF) humhhaknak hmunram ah 13-18 Tho 2022 ah ralhraang le Chinland ralkap fonh kahdohnak a chuak.
13 Tho 2022 ah Hakha-Thantlang kar , Hakha in Timit lei ah aa thawhmi ralhraang hna cu Chinland ralkap fonh hna nih Hakha pawng telh in le khuachung Tita pawng ah nihin tiang kahdohnak a chuak.
Thantlang lei in ralhraang bawm dingah a rak i thawhmi ralhraang thazaang 40 hna cu Chinland ralkap nih an kah hna i hliammi an tam caah vanlawng in kah an bawmh hna.
Kahdohnak ah ralhraang 25 nak tlawmlo an thi, 20 nak tlawmlo nih hliam an tuar. Chinland ralkap in CNA ralkap minung 3 le CDF in minung 1 miphun le ram caah an nunnak a liam, minung pakhat hliam a tuar.
Hi kahdohnak ah Chin National Army (CNA), Chinland Joint Defense Committee – Special Force (CJDC), Chinland Defense Force Thantlang, Chinland Defense Force Zophei, Chinland Defense Force Lautu, Chinland Defense Force Mara, Chinland Defense Force Hakha hna an tang ti.
