Australia Senator Dean Smith Le Pu Zoramthanga Tonnak Ngei
Australia lei in Senator Dean Smith nih Mizoram hruaitu govenor Hari Babu Kanhampati cu 6 Tho 2022 ah Raj Bhavan ah a chawnhbiak.
An i chawnhbiaknak kong he pehtlai in Myanmar ralzaam kongkau ah zeitindah ram hruaitu hna nih an zohkhen hna i an tawlrel hna ning le ram mizapi hna nih Myanmar ralzaam thuk deuh le kau deuh in bawmhchanh a herh ning kong hna an si.
Senator Smith nih a chim rihmi cu India le Australia pehtlaihnak hi a hlannak in a fek deuh tiah a chim. Cun zeitindah Australia government nih Australia ram khuasa a tulio Chin Refugee a tawlrel hna ning zong a langhter.
Cun Chief Minister Pu Zoramthanga zong a zung ah 6 Tho 2022 chunhnu ah a va ton.
Hi tonnak ahhin Pu Dean Smith hi State Planning Board Vice – Chairman Pu H. Rammawi nih a telpi.
Solomon’s High School zongah a leng hna i, ralzaam siangngakchia sinah thazaang peknak bia a chim.
Cun Solomon’s Sianginn ngeitu Pu Chan Thawng Ling@Vapual nih Lainute hmanthlak a pek, Pu Dean Smith hi Pu Ceu Lian Mang nih a zulh.
