Thai ram Nong Bua Lamphu Pengkomh Tualleng Sianginn Ah Ngakchia Thahnak Chuak
Thai ram, Nong Bua Lamphu pengkomh ah a ummi tualleng sianginn cu an luhhnawh i thahnak a chuah caah ngakchia minung 32 an nunnak a liam, thahnawnnak a tuahtu tlaih khawh a si rih lo tiah Thai media nih an langhter.
Hi thahnawnnak a tuah dih hnuah a thaisung nu le a fanu zong a thah hna, cu hnuah amah zong aa that ve.Hi thahnawnnak a tuahtu hi palek riansang tlai hlun Panya Kamrab a si i, a nih hi rithaisii zuarthlainak he aa pehtlaih caah palek in an phuahmi a si.
Mizoram thawng, 2 Tho 2022 i video thlah – Pu Ch. Chhunga, Ex-Chief Minister, Mizoram lei i Assam leu nih buk an rak sakmi kongkau ah Home Department nih a theih le cangka in hma a lak colh. Chief Minister Pu Zoramthanva nih Assam Chief Minister Dr. Himanta Biswas Sharma cu phone in a chawnh colh. Home Minister, Pu Lalchamliana nih Assam Border Minister, Pu Atul Bora cu 2 Tho 2022 zan ah phone in a chawnh fawn. Cun Pu H. Lalengmawia, Commissioner & Secretary, Home Department zong nih Pu G.D. Tripathi, Commissioner & Secretary, Border Protection & Development Department cu phone in a chawnh fawn. Assam lei nih buk an sakmi cu theh than dingin bia an chim.
3 Tho 2022 zingah Kolasib District Deputy Commissioner, Pu John L.T. Sanga nih Hailakandi Deputy Commissioner cu phone in thil sining a chimh i, Hailakandi Deputy Commissioner nih nawlngeitu sangbik lei in buk sakmi cu theh dingin nawlpek an don cang caah an theh ding kong aa fiang.
Mizoram cozah nih Assam lei nih Mizoram cozah theih hmasa lo in buk an sak mi cu a poi ngai tiah an ti. Asaam lei nih buk an sakmi theh dingin Mizoram cozah lei nih hma an lak hi lawmh a um tuk tiah an ti. Buk theh a si lio ah a hmun ah Bairabi zapi le Mizoram cozah Officials hna le Bialtu MLA/Minister P K. Lalrinliana zong upat a tlak tiah an thanh.
