2023 Central Lairam Lawngtlai Lai Idol Onnak Ah CYLA GS Hlun Pu Jacob
2023 Central Lairam Lawngtlai Lai Idol Onnak Ah CYLA GS Hlun Pu Jacob, 2023 Central Lairam Lawngtlai Lai Idol onnak cu 2023 Hniang 31 zaan ah Lawngtlai Lai cozah hall ah an tuah, hi caan hmannak ahhin CYLA GS hlun Pu Jacoh nih a tanglei bantukin a chim.
Lai kan si caah LADC kan ngei, holh kan ngei, nunphung kan ngei, Lai kan si caah hi bantuk hlasak zuamnak kan tuah hi a si ti kan hngalh ah a tha. Lai si hlah usilaw hi bantuk hi tuah a hau lo. Laiholh hi dirkamh hna usih. Cheukhat cu innchung ah Laiholh in an i chawnh i leng chuah le cangka Laiholh in holh kan ning a zak, Laiholh in an kan chawnh ah Laiholh in kan let hna lo. Laiholh a nihsawh mi zong an um.
Kan holh a tlau ah cun kan miphun a tlau lai, miphun a tlau cun holh a tlau lai. Miphun kan sinak ah kan holh a tlau cun kan miphun a tlau lai. Vulei cungah miphun tlau an tamtuk. Laimi zong kan holh a tlau cun kan miphun a tlau lai.
Laiholh hman hi uar hna usih, a țial a holh zong ah hinak in kan i zuam deuh a hau. Ram le miphun ca i rian kan țuantinak ah kan theihnak a tlawm ah a tam ah a si khawhchung in kan i zuam deuh a hau.
