Manipur Buainak Zuldawitu Dingah Khrihfa MP nih JPT Dirh Dingin PM Chimh
Manipur Buainak Zuldawitu Dingah Khrihfa MP nih JPT Dirh Dingin PM Chimh, Mizoram Rajya Sabha MP Pu K.Vanlalvena nih nihin ah India Prime Minister Pu Narendra Modi sinah memorandum chuahpi in Manipur ah thil sining zuldawitu ding ah Christian MP hna telnak Joint Parliamentary Team dirh dingin nawlnak a tuah.
Pu Vena nih cun 2023 Biangreithlep 2 in nihin tiang Manipur ah Christian biakinn 42 nak tlawnlo hrawh a si, hi ahhin Tribal Christian hna biakinn lawng hrawh a silo nak le Meitei Christian biakinn zong 6 hrawh a sinak kong Minister a theihter. Manipur buainak hi Meitei le tlangmi kar lawng buainak a si lo . Manipur in Khrihfami chuah duhtu an um kong le buainak he aa pehtlaimi thil dangdang hna zong, Pu Vena nih Prime Minister a chimh.
2023 Biangreithlep 5 zaan ah Assam Rifles duty nih Churachandpur ah Civil mi sualnak ngeilo nu 3 le pa 1 an kah hna nak kong Pu Vena nih cun Prime Minister sinah a chim. Hi thilthalo tuahtu hna hi zulhdawi an si khawhnakhnga Christian MP hna telnak Joint Parliamentary team dirh dingin Prime Minister Pu Narendra Modia sinah nawlnak a tuah.
