CYLA Kumpuan Committee Biacaih Cathanh
CYLA Kumpuan Committee Biacaih Cathanh ”YLA nih Kumpuan ah Ram le Miphun humhak kan neih lio ah kan ram rosung Tupi theh le hrawh in a um i nawlngeihnak um lo in thingah zuar le chawva i canter, Lawngtlai District leng i phurhmi zeimawzat tlaih an si cang. Kan ram rosung hna humhak le kilven ding i ruahmi, a ram hrinsor mi hna lak in hmuh le tlaih an si tikah CYLA Kumpuan Committee nih cun ningzak ngai a si a ti. Kan ram i um kan phunmi le kan zohkhenhmi zong si lo, chawva ruang i hakkau ngai in tangka kawlnak ah tupi hman a si hi, a sertu Pathian lung kan fahter kan zumh. Khrih Zumtu ai timi hna i tuahser lo ding thil khi a si. Kan ram rosung hna hi a ram zapi nih kan herhnak zawnah chambau lo i kan hman awk ah Sertu Pathian nih a kan pekmi a si. Hakkau ngai in chawva kawlnak ah Pathian nih a kan pe lo ti hi hngal hna usih”.
”Nawlngeitu hngalhpinak le theihpinak um lo in thingat mi le zuarmi hna cu nan thiltuah ngoltak dingin CYLA Kumpuan Committee nih cun kan in nawl hna”.
”Hi nawlnak a zul duhlo i a cawlcangmi kan um i kan in tlaih hna ah cun CYLA Kumpuan Committee nih cun a fah khawhchung in tuanvo a lak cang lai ,kan ram i a ummi tupi , saram le vulei rumnak Pathian nih a chiahmi hna hi YLA ca dih a si i, dinnak um lo i, a thli in a cawlcangmi sinah a si khawhchung in YLA nih cun a humhak lai, hramhram in runh le nehsawh ci a si lai lo”.
”Kan ram rosung hna humhak le kilven a si khawhnak lai Sub-hqrs/Group/Joint/Branch YLA nih fak pi’n hmainor chin ko hna usih” tiah cathanh an chuah.
