Captain Thang Mung Țuanbia

Captain Thang Mung Țuanbia, Captain Thang Mung tuanbia hi fianghlang in tial/chimmi a um lo nain Captain Thang Mung hawikom naihniammi hna nih an chimmi kha khawmhsuat in țialmi a si.

Captain Thang Mung cu Chin ramkulh, Falam peng Ngawnngan ram Bualkhaw khua ah a chuak. A ngakchiat lio ah mi thithruai a thiam ngaimi a si, Chin Battalion i a luhhlan ah Bualkhaw khua ah a nulepa Lo thlawh a bawm hna.

A voihnihnak ralpi a thawh lio ah Chin Battalion ah a lut i a voihnihnak ralpi lio ah Japan dohnak ah biatak te’n ral a rak domi a si. Kum 1947 hlan British cozah chan ah Pu Thang Mung cu Captain rank a hmumi pa a si. Pu Thang Mung cu Captain a hmuh ahhin General Ne Wine cu senhnih lawng a rak hmu rih.

Kum 1948 ah Chin le Burma fonh in hmunkhat ah zalonnak hmuh hnuah Captain Thang Mung cu Major pek dingin nawl a chuak. Hi lio ahhin Burma ralkap nu pakhat nih Captain Thang Mung cu ” Zu ri ruangmang in a ka tlaihhrem ” tiah sual a kawl caah Major pe lo in pension a la.

Captain Thang Mung cu Chinram le Chin miphun caah a thazaang a caan dihlak in a zuam cuahmah lio le Burma ralkap nu pakhat nih ningcang lo in hramhram in bia a oihter ruangah Chin Battalion in pension la in….. kum ah Pa Pathian sinah aa din.

Captain Thang Mung cu zalonnak hmuh hnuah riansang deuh kai kho ti hlah hmamhsehlaw Japan kuttang in Chinram le Chin miphun a luatnak hnga caah nunnak pek ngamh in ral a domi a si.

Cakilh: A cung tuanbia hi Chin TV International nih Kawlca in an țialmi kha aa tlakning in Laica in lehmi a si- Salai Robert