Thantlang Ni 37 Kahdohnak Ah Ralhraang 15 An Thi, Kahdohnak A Fak Kho
Thantlang Ni 37 Kahdohnak Ah Ralhraang 15 An Thi, Kahdohnak A Fak Kho, Chinland Defense Force -Thantlang, Chin National Army le Chinland Defense Force – Zophei fonh nih Thantlang khuachung ralhraang hmunhma laknak hmun cu 2023 Chiapa 11 zaan 1100 caan ah Tilim Operation 02 min in kahdohnak thawk a si mi cu ni 37 a tling cang.
2023 Chiapa 12 ah LIB 269 pakhat hriamtling he zapi ralkap sinah a lut.
East Lairam, Thantlang ralhraang thazaang 160 hrawng nih an humhaknak LIB 269 riahbuk cu Hniang 14 zinglei 0500 ah kah thawk a si i, ( Hauka bung riahbuk) pakhat cu 0530 ah lak a si. Hi kahdohnak hi zinglei suimilaam 1000 hrawng tiang a rau i a dang ralhraang hmunlaknak Thantlang le Hakha kar Auto tlangthluan , TBC , TABC hna zongah kahdohnak a um i a faak ngaingai.
Ni 37 kahdohnak ah ralhraang 15 an thi, 30 leng hliam an tuar, a nung in 2 tlaih an si. Cun meithal 2, RPG 2, kuan le bomb hna zong laak a si.
Kahdohnak ah CDF Thantlang pakhat, CDF Zophei 3 nih miphun le ram caah an nunnak an pek. Ralhraang nih khuami umnak Khuafo khua, Hauka bung hna le a dang ah nuhrin covo buar in vanlawng in bomb a thlak caah Biakinn 1 le khuami inn 7 an rawk.
Ralhraang nih vanlawng in kahdohnak a tuah lengmang caah le an thazaang an chap caah kahdohnak a fak kho, cucaah khuami umkal i ralring hna usih tiah CDF Thantlang nih an thanh.
