Thantlang Ralhraang Hmunpi An Kah, CDF Pathum Nunnak Liam
Thantlang Ralhraang Hmunpi An Kah, CDF Pathum Nunnak Liam, East Lairam, Thantlang khua ralhraang hmunpi LIB 269 Battalion cu CNA, CDF- Thantlang , CDF-Zophei fonh nih nihin Hniang 14 zinglei suimilaam 5 hrawng ah kah hram an thawk. an hmunpi humhimnak hmun cu laak a si. Ralhraang thi zat theihfian a si lo nain a nung in 2 tlaih an si. An hriamnam 6 lak piak an si. CDF Thantlang in minung pakhat le CDF Zophei in minung 2 nih miphun le ram caah an nunnak an pek.
Ralhraang umnak lak a si hnuah ralhraang bomb kahthlorh in an kah hlei ah le Khuafo khua le Loklung khua ah bomb an thlak caah Loklung khua inn 4 an rawk, khuami pakhat hliam a tuar. Khuafo khua ah Biakinn le Pastor inn an rawk. Khuafo khua hi luancia Hniang 31 ah ralhraang nih bomb a rak thlak i khuami 8 an nunnak a rak liam i, minung 11 an tuar hlei ah khuami inn 13 a rak kaang.
Ralhraang ruang ah hliamtuar le rawkral mi hna a nung Pathian nih in hnem hram ko hna seh tiah CNF nih cathanh an chuah.
Miphun le ram caah nunnak petu hna
CDF Zophei , Salai Lai Hnin,
Salai Tin Peng Lian, CDF Thantlang Salai Ram Hei Lian hna an si.
