East Lairam In Mizoram Ah Aa Dormi Nih Theihding CNF Nih Thanh
East Lairam In Mizoram Ah Aa Dormi Nih Theihding CNF Nih Thanh, Myanmar rambuai ruangah innpa ram Mizoram ah ai dormi East Laimi nih nan i dornak hmun le ram, ramkhel kong ah i thlak hlah u, ID Card zong phungning lo in ngeih i tim hlah u, tiah Chin National Front (CNF) nih ralzaam zapi nawlnak a tuah.
An ram phunglam he ai ralkalh mi phungning lo rianțuannak ah i tel hlah u. A hlei in East Laimi i dornak innpa ram ah rithaii si phurhkuat ah CNF le a țuanhawi an i tel lo tiah CNF nih zapi sinah theihternak an tuah.
Innpa ram hna ah East Laimi lungdai hnangam in um khawh a si nakhnga innpa ram hna pehtlaihnak tha CNF nih a ser cuahmah lio ah East Laimi nih phungning lo rian nan tuan ah cun CNF nih a herh ning in țuanvo kan in laak hna lai.
Tukum Dipa thla India ram i thimnak ah Mizoram ah ai dormi Laimi nih ramkhel kong ah samfa tia hmanh i thlak lo ding in, khua kip i ummi Lai ralzaam phu zong theihter an si.
