Sangau Le A Peng Mei Thitha Hmuh Lo Mi Ah P&E, SDO, Hnahthial Nih Biadik Lo A Chim

Sangau Le A Peng Mei Thitha Hmuh Lo Mi Ah P&E, SDO, Hnahthial Nih Biadik Lo A Chim, Sangau le a peng nih thlakhat chung Power Supply an ngeih thitha lo kongkau ah Joint NGO Emergency Meeting auh a si i, Power & Electricity Department lei nih an si khawhchung in an i zuam cuahmah lio ah Hnahthial Power Sub-Division SDO nih cun zapi lei nih biadik lo an thanh tiah an puh hna cu khuaruah har ngai a si tiah cathanh ah an langhter.

Hnahthial ah Transformer ngan 1.6MVA a rawh ruangah thlennak ding 2.5MVA thar hmang dingin timhtuah dih si ko hmanhseh, Pressing caan a rauh deuh caah Transformer 2.5MVA um cia pakhat lawng hmang in Feeder kip a hrawm kong, anmah lei Power Dept lei nih an chim lio le zapi nih pawcawmnak kip ah harsatnak Sangau le a peng zapi nih an tuar lio ah Hnahthial Power Sub-Division SDO nih Sangau le a peng khua 12 nih zarhthum hrawng Power Supply thitha in an hmuh lo kongkau an chimmi hi a dik lo tiah an chimmi hi cu a poi an tinak le hmailei ah a um ti nakhnga lo an duh kong an langhter. SDO nih Power pek kong, Hnahthial Control Room-ah hmuh khawh a si a ti bantukin nizaan ah khuatlang hruaitu nih an zoh i, Power Supply thitha in an hmuh lo kong zong fehter a si.

Electric Current hi a minung kip nih herh a si bantukin zapi zong nih thazaang chuah le nihlawh thlah in Department hna hi an tuanpi tawn hna, hi bantukin tuankhatnak chia dingin hi bantuk thil hi um ti hraam hlah seh ti an duhnak kong le, zapi nih a herh ning in Department lei tuanpi kongah timhcia an si kong an langhter fawn.

Hi an cathanh ahhin Sangau Joint VC, YLA Sub Hqrs Sangau, Lai Women Association Sangau le South Vanlaiphai Group YMA an President nih min an thut.