Siaha District Chung East Lairam Ralzaam Caah Zophei Church Maryland, USA Nih Bawmhnak Pek
Siaha District Chung East Lairam Ralzaam Caah Zophei Church Maryland, USA Nih Bawmhnak Pek, Maryland Zophei Church, USA nih Siaha District chungah East Lairam ralzaam bawmhnak caah MTP Hqrs Siaha sinah tuanvo an pekmi cu nihin ah Pu Pakhaw Chozah President MTP Hqrs a thlah hna.
Maryland Zophei Church hna nih Rs.79000/- an rak kuatmi in, facang Bags 40 le silpaulin 6 an cawk, MTP Hqrs Refugee Board Secretary Pu Ch.Beikhochhi le Pu John K. Rema Board Member nih Chapi ah facaang 20, Mohro ah bag 15 le Chheihlu ah bag 5 hlei ah thildang pek dingin an kal.
Kalding timhlamh a si hlan ahhin MTP Hqrs. Office President room ah caantawi te tonnak an ngei i, Pu Israel Chozah Chairman Refugee Board nih biatawi chimnak a ngeih, hruaitu thar an i thim hnuah ralzaam caah Khrihfabu lei in bawmhnak an don hmasabik a si, an caan chung ah MTP in bawmhnak voi 5 nak ding a si. Facang Bag 166, Silapulin -80, cauk Rs 25000 – 30000 man, tangka fang in zeimawzat pek a si cang, hi caan hmannak hi Siaha LIKBK Zion Khrihfabu hruaitu nih an telpi hna.
Siaha District ahhin Refugee camp ummi hi 6700 hrawng an si. Tuan deuh ah cozah, Khrihfabu le bu kip nih bawmhnak phunphun an pek tawn hna. Caan a kal a rau deuh deuh nain bawmhhau an si peng rih caah pumpak zong nih kan unau hna hi dirkamh zungzal hna usih tiah MTP Hqrs hruaitu nih nawlnak tuah.
