YMA Nih Myanmar Ralzaam Indian Document Ngei An Thlir, Awithangpa Group YMA nih Kolasib District chung Khamrang khua ah Myanmar ralzaam um lio mi minung 110 hna dirhmun zohfelnak ngei dingin Study Team a dirhmi nih an hmuhmi cu nihin ah Kolasib DC John LT Sanga sinah an chuahpi.

Awithangpa Group YMA nih Kolasib Zipeng sinah Myanmar ralzaam mi nih Indian Document biapi taktak an ngeih khawhning a hmuh caah thildik lo a um ah cun phung bantukin hremnak pek dingle an document cancel dingin tuanvo lak ding an nawl. ” Ralzaam hna hi an duhnak hmun ah khual an tlawng, a caan cun State dang ah an kal, an pem caah ralzaam i thithruainak sersiam dingin an nawl”.

Kolasib DC nih ramdang mi nih India Document an ngeih cu thil si kho a si lo caah, palek he comnak ngei dingin Awithangpa Group YMA hruaitu hna cu a chimh hna.

Awithangpa Group YMA nih an chuahpimi biatlang hna :

Adhaar ngei minung 3 hmuh an si.

Federal Bank Aizawl tangah Bank Account ngei pakhat a um.

Income Tax Deptt tangah PAN Card ngei pakhat a um.

Adhaar Card ah cun ( Village Khamrang, Sub- District : Bilkhawthlir , District , Kolasib ) tiah aa tial. Pa min țial lo in c/o an chiah. Asinain Khamrang VC le MYA nih an c/o hna hi ho an si an hngal lo.

Adhaar Card ser ding ahhin Aizawl Dawrpui sangmi pakhat nih Solomons Cave ah a kalpi tawn. Ralzaam nih document pakhat ah Rs.8000 an liam tiah an chim.