Meithal Kong Ah Aizawl Zipeng Cathanh

Meithal Kong Ah Aizawl Zipeng Cathanh, Aizawl Zipeng Dr. Lalhriatzuali Ralte, IAS nih meithal kongkau ah a tanglei bantukin nawl a chuah. Tulio hi mi cheukhat nih meithal he aa pehtlai mi- meithal Licence, Register lo meithal, meithal kuan etc. an zuar tawn tiah theih a si.

Hi he pehtlai in zapi kan i ralrin nakhnga a tanglei bantukin nawl ka chuah,

1. Ho paoh meithal cawk/zuar ding a meithal cawk/zuar tupa he Valid Arms Licence an ngeih veve a herh.
2. Meithal cawk/zuar ding ahcun siannak catlap hi District Magistrate sinah lak hmasa hrimhrim a herh.
3. Phung nih a onh lo mi meithal le a license zuarh, Register lo meithal zuarh le licence ngei lo sinah meithal zuarh hi phung he aa kalhmi a si.
4. Mah min hin license ngei lo meithal i chiah hi Section 25 of Arms Act, 1959 ning in a tlawmbik kum 3 thongtlak khawh a si.

5.Arms Rules, 2016 hman a si thawk in pumpak nih midang meithal retainer bantukin an i chiah khawhmi zong a phih cang.

Cucaah Section 3 (1) of Arms Act, 1959 nih a langhter bantukin meithal (firearms) hi mah min in meithal license ngei lawng nih an i chiah khawh, hi bantuk phung onh lo thil tuahmi hna cu an license phihpiak an si hlei ah phung bantukin hremnak an si lai.