Lawngtlai Ah Governor’s Discretionary Grant Peknak Tuah
Lawngtlai Ah Governor’s Discretionary Grant Peknak Tuah, Nihin ah Lawngtlai Deputy Commissioner Office Chamber ah Mizoram Mangkibawi sinin Discretionary Grant pekmi pekchanhnak caan hman a si. Lawngtlai District chung ah agency pathum – Lairam Child Adoption Centre, Lairam Motherless Home le Lawngtlai Observation Home hna sinah Governor’s Discretionary Grant sinin ₹ 25,000/- cio cu Mizoram Mangkibawi Dr Hari Babu Kambhampati aiawh in Lawngtlai Zipeng Pu David Lalthantluanga nih pekchanh hna.
Lawngtlai Zipeng Pu David Lalthantluanga nih cun Governor’s Discretionary Grant in Lawngtlai District chungah agency pathum nih bawmhnak an hmuh hi lunglawmh awkngai a si tiah a chim. Sifak le cawmkengtu ngeilo ngakchia zohkhenhnak a si khawhchung in țuanvo an lak mi hi fak an phu ngai, an riantuannak tha Lawngtlai District le zapi caah pehzulh peng dingin a biacahnak a ngeih.
Nihin Governor’s Discretionary Fund i pekchanhnak ahhin Lairam Isua Krista Baptist Kohhran (LIKBK) Pastor, Rev. TH Vanlalzauva nih caanzarh a hman. Lai Women Association (LWA) General Headquarters President Pi V. Lalrinkimi le Central Young Lai Association (CYLA) President Pu HC Vanlalruatpuia hna nih biachimnak an ngeih. Lawngtlai Sub-Divisional Officer (Sadar) Pi TT Beikhaizi lawmhbia chimnak in caankhar a si.
