LADC Day Ah CEM Pu V Zirsang Biacah

LADC Day Ah CEM Pu V Zirsang Biacah, LADC Day voi 51 nak tiang lam a kan hruaitu Pathian cu thangthat in um ko seh. Hi ni sunglawi ahhin Lairam chungah a ummi zapi hna le khua zakip hmun um Laifa vialte kut kan tlaih hna.

Lai miphun hi miphun sunglawi le lian sihmanh usilaw, ram lairelnak dang cio le ramri ruangah then in kan um, India ramchung ah miphun tlawmte kan si i, Pathiam le ram hruaitu hmasa hna ruangah tittawl lo le kan miphun sinak, holh humhak kho ding le thanchonak lam hrawng kho ve kan si a sunglawi tuk.

Kan ram le miphun caah an thiamnak an theihnak le i pumpeknak, thihnun ngamh in kan Lairam le Lai miphun hruaitu hmasa hna upatnak kan pek hna, hi LADC day ahhin Lairam le miphun aiawh in lawmhbia ka chim.

LADC hi Lai miphun caah ruahchannak sertu le Lai miphun innpi a si, LADC hi Laifa le Lairam chung um dihlak caah thluachuahnak hmu zungzal ko seh.

Tu caan ahhin nang le kei ti caan a si tiah chimrel caan a si lo, hi ram le miphun humhim le thancho pi hi kan tuanvo a si. Kan miphun, kan ram, kan holh le ziaza hi a tlau, thlau a si ah cun nang le kei thiam lo taktak a si.

Cucaahcun mah le hmaika zawn kan tuah ding zumhtlak le tha taktak in tuan i, kan ulenau miphun zia le holh phunphun upat piak in, Lai miphun sertu Pathian duhning in ram le miphun caah țuan chin hna usih.

Lairam le miphun Pathian nih thluachuah pe ko seh.