Lawngtlai Ah CADC MDC I Thimnak Tawlreltu Hna Caah Traning Tuah

Lawngtlai Ah CADC MDC I Thimnak Tawlreltu Hna Caah Traning Tuah, 2023 Biangreithlep 9 ah Chakma Autonomous District Council (CADC) ah Member of District Council (MDC) i thimnak um dingah i thimnak tawlreltu ding, sector officer, presiding officer (PRO) le 1st polling officer (PO) dingah thimmi hna caah nizaan le nihin ah Govt Region Higher Secondary School, Lawngtlai ah training tuah a si.

Nizaan ah sector officer, presiding officer (PRO) le 1st polling officer (PO) hna caah training tuahnak ah Election Officer Pu Daniel Sailo nih onnak bia a chim. Master Trainer & AERO Pu N. Lalzarzova nih i thimnak phunglam tlangtar (general procedure of election) a hrilhfiah. Master Trainer & AERO Pu H. Vanlalbiakzauva nih i thimnak caah hman ding form kip a hrilhfiah. Biahalnak le bialehnak in caan hman a si fawn.

Nihin ah PRO hna le 1st PO hma caah training pehzulh a si i, hi caan ahhin polling official hna tuah ding le tuanvo latu hna cawnpiak a si hlei ah EVM hmanning le zohning phung le election form phunphun hman ding a takin zoh in cawn a si i, biahalnak le bialehnak ngeih a si.

Nihin training polling official hna hi hmunthum ah then a si i, District Level Master Trainer hna, Pu Samuel Zodinsanga, Pu Hmingmawizuala, Pu N. Lalzarzova, Pu H. Vanlalbiakzauva, Pu Samuel Lalmalsawma Sailo le Dr Doris Lalrinawmi hna nih training an pek hna.

CADC i thimnak 2023 ahhin MDC constituency 20 a um i, a dihlak in polling station 70 a um. Polling station kip ahhin PRO, 1st PO le 2nd PO pakhat cio an um lai. Polling station hna hi sector phun 12 tangah chiah a si i, sector officer pakhat cio ah sector hi an zohkhenh lai. Cu hlei ah a herhnak ah au kho ding reserve sector officer, PRO le PO thim an si fawn.

Khuakhan ning cun 2023 Biangreithlep 6 ah khin Kamalanagar-I Public School, Chawngte ‘C’-ah PRO, 1st PO leh 2nd PO hna caah final traning tuah a si lai.