CYLA, CYMA, MTP Tonnak An Ngei

CYLA, CYMA, MTP Tonnak An Ngei, Nihin 2023 Vaupi 18 chun ah Mizoram phu ngan pathum, Central Young Mizo Association (CYMA), Central Young Lai Association (CYLA) le Mara Thyutlia Py (MTP) General Hqrs. cu YMA Sub-Hqrs, Lunglei Conference Hall ah tonnak an ngei.

Tonnak ah caantlaitu CYMA President R Lalngheta nih i tonnak kongkau timhlamh a sinak kong a chim. Mizoram zaanghleicawi phu ngan pathum nih kan ram le miphun thanchonak caah i pumkhatnak tha deuh le tuankhatnak tha deuh a um a biapi tiah a chim.

NGO pathum nih Myanmar le Bangladesh ralzaam kongkau chim in, ralzaam hna chinchiahnak felfai in tuah ding le, hi chinchiahnak lawng hi cozah maw, phu dangdang hna zong nih hmang hna seh ti an duhnak kong an chim.

Mizoram pehtlaihnak lam tuah cuahmahmi rang le tha in tuan a si khawhnakhnga cozah nawlngeitu sinah phanhpi siseh, cun Lunglei Bypass road, Thenzawl to Lunglei le Serchhip to Tuipang hi tha taktak in a si khawhchung in hmalak siseh.

Zaanghleicawi pathum hna i pehtlaihnak tha chin a um khawhnakhnga tonpumhnak ngan bikmi an hmannak ah lamkaltu/thutdirti nak i tuanvo i pekchanh ter ding.

I tonnak ahhin CYMA lei in an President R Lalngheta le OB le CEC an dihlak hruaitu 30 an kal, CYLA lei in an President HC Vanlalruatpuia le OB hna le CEC an dihlak hruaitu 16 an kal. MTP lei in an President Israel le OB hna le EC member an dihlak hruaitu 8 an kal kho.