CDF-Lautu Nih Zotung Mi Pakhat Thah Ruangah CDF-Zotung Nih CDF-Lautu Ralrin Pek
- 2021 Nohawng 1 ah Min Aung Hlaing hruaimi ralhraang nih rampi nawlngeihnak lak an timhmi cohlan lo ruangah rampi ning ngawt in zapi ralkap a hung chuak.
- Cu bantuk cun Chinland chungah Chinland Defense Force timi CDF min cu pengtlang kip in a hung chuak. Kan i tinhbikmi cu ralhraang hrambongh le Federal ramkomh thar ser kha a si.
- Chinland ralkap hna cu ralhraang cihmihnak caah hnunkhat ah fonh in Federal ramkomh sernak caah lungkhat in tangrualnak ding caah Chinland Joint Defense Committee(CJDC) min tangah i fonh in dohthlennak kalpi cuahmah a si fawn.
- Cu hlei ah ZZLMS tiah auhmi Zotung, Zophei, Lautu, Mara, Senthang, fonh bu cu ralhraang hrambonghnak caah ti’n hmunkhat ah dohthlennak tuah dingin fonhmi a si.
- CDF-Lautu nih kan theihpinak tello in Zotung zapi cungah tuksum thil an tuah. Hawikom phu kar ah a herh lo mi buainak a chuah a herh lo caah CDF-Zotung nih ZZLMS phunglam bantukin CDF-Lautu cu 2023 Vaute 24 ah ralrinnak kan in pek hna. Hi ralrin peknak he pehtlai in CDF-Lautu nih Zotung mi pakhat cu 2023 Vaute 19 ah an thah.
- Ralkap nih zulhdingmi phunglam upat lo hlei ah Zotung miphun cungah tu bantuk tuksum thil tuahmi CDF-Lautu cu ralhraang thiltuah he an i khat tiah kan ruah.
- 2023 Vaute 19 ah CDF-Lautu thilsual tuah he pehtlai in, dingthluk lairelnak a umnakhnga CDF-Lautu nih rianrang in tuanvo lak ding, tuanvo laknak a um lo ahcun CDF-Zotung nih Zotung zapi humhimnak le dingthluk lairelnak a umnakhnga a herh ning in hma a lak lai.
