Mara Thyutlia Py Gen.Headquarter Cathanh
Mara Thyutlia Py Gen.Headquarter Cathanh, The Lairam Times, Central Lairam, Lawngtlai 2023 Vaute 24: ”Hmasabik ah Mara Thyutlia Py Gen.Headquarters, Siaha nih Mararam le
Zoram zapi nan kut kan in tlaih hna”.
”2023 Vaute 22 ah
Mararam le East Lairam ramri ah lainawnnak le thilddawhcah lo ngai a chuah kongkau ah MTP Gen.Headquarters nih cun a poi a ti ngaingai, misual kuttuar mi hna
1) Pi Biak Sui, New Siaha (East Lairam khuachuak )
2) Pu B.Lalthafamkima (Kimtea) South Lungpher
3) Pu Bablu, MRHG, New Siaha hna lungthin tak in kan tuarpi hna, an kaltakmi hna chungkhar an ngaihchiatnak kan tuarpi hna. Hi thil dawhcah lo tuksum a tuahtu hna thiltuah hi MTP Gen.Headquarters nih kan dohkalh taktak. Hmailei ahcun sualnak ngeilo cungah kutthlaknak tuah lo dingin kan in theihter. Cozah le palek zong nih hi lainawnnak hi zuldawi seh, biadik fiangfai dingun le, hi thil ah aa pehtlai misual cu tlai in, an cantawk hremnak pek dingin kan duh. Hi vanchiatnak ah MTP Branch – Iana, Sub-HQ: Chhaolô le a huamxhung Branch kip zong nih a si khawhchung in hmalaknak le, East Lairam chungah ruak latu hna,
MTP Gen.Headquarters nih kan in uangtuk hna i lunglawmhbia zong kan chim”.
”Myanmar rambuai ruangah kan unau, thisen tlai tampi nunhimnak kawl in Mararam an phan, MTP le Mararam zapi zong nih kan si khawhchung in an i dornak ding kan tawlrelpiak hna cuahmah lio ah hi bantuk thil dawhcah lo a chuah hi sualnak he i pehtlai in le hi kan ram zalennak le i remnak i a chiatter khawh hi MTP Gen.Headquarters nih cun kan duh lo taktak. A herhnak in leh le hmalak a si lai”.
”Cucaah kan unau Laimi hna le phu kip hna zong hmailei ahcun zei paoh ah i fimkaan dingin kan in theihter hna, ram le khuatlang caah mitha, bochanmi si i zuam dingin kan in duhpiak hna. Hi vanchiatnak kongkau ah thawngdiklo le biachuan sawh thanh lo dingin zapi kan in nawl hna. Biadik le theihherh biapi tu rak kan theihter hraam dingin kan in nawl hna. Hi harsanak ruangah ci le kuang, phu le khua hoih in boruak tha lo remhlo dingin zapi kan in nawl hna. Misual thiltuah ti theih ko buah, nu sualnak ngeilo cungah harstanak a phanh hi MTP Gen.Headquarters nih a duh lo taktak. Harstanak chuahpichin lo dingin a mikip kan in nawl hna”.
”Hi bantuk tuksum thil le thil dawhcah lo, sualnak ngeilo nunnak sunglawi lakpiak hi
Mararam le Zoram ah chuak hraam ti hlah seh ti kan duh. Thilthalo le sualkip hi MTP le zapi nih lungrual te’n doh i, tuankhat dingin kan in sawm hna ” tiah cathanh an chuah.
