Minister Pu Lalzirliana Nih Miphun Namnehnak Bia A Chimmi Ah CYLA Nih Theihternak An Tuah
Minister Pu Lalzirliana Nih Miphun Namnehnak Bia A Chimmi Ah CYLA Nih Theihternak An Tuah ” 2023 Nohawng 23, Mizoram Legislative Assembly Budget Session lio i Autonomous
District Council (ADC) kongkau chimnak ah Mizoram cozah i District Council & Minority Affairs Department tlaitu Pu R.Lalzirlian nih “Khika lei khan Velhle in lem kan va cang ko khah, Congress ahkhan Vote kawlnak men ah pei kan hman ko cu, annih pawl nih khan an rak i zumh ngai hna le, macu men cu a si, zei a si lo e” tiah a chimmi nih Autonomous District Council chungum zapi lungthin a fahter ngaingai i; District Council & Minority Affairs tlaitu Minister nih hibantukin ADC chungum zapi thlanglamh le zeirel lo in a kan holh hnawh hi Central YLA nih cun poi a ti ngaingai”.
” Mahhi kongkau hi Central YLA nih cun a ruah tiarmar tik ah Miphun i serhsatnak hmurka
le ADC chungum minung nehsawhnak nganbik ah kan ruah i. Cucaah atang i kan vun langhtermi hi vun tlamtlinh hrimhrim ding in Pu R.Lalzirliana, DC&MA Minister le Mizoram Chief Minister kan theihter hna”
- ”Pu R.Lalzirliana, DC&MA tlaitu Minister nih ADC chungum zapi lungthin fahter hoih in bia a chim ruang ah mah bia a chimnak Assembly House lila ahhin ADC Area chungum zapi
sinah ngaihthiam nawlnak bia chim ṭhan ding in kan theihter a si”. - ” Mizoram biaceihnak sangbik ngeihnak hmun Assembly House ah hi bantukin ADC Area chungum zapi serhsatnak langhter duhtu DC&MA Minister kan ngeih hi kan vanchia taktak. Hibantuk in a kan nehsawhtu Pu R.Lalzirliana nih District Council & Minority Affairs
Department a zohkhenh peng hi a chungum zapi caah a him lo tiah kan ruah. Cucaah
DC&MA Department zohkhenhnak riantlai ding hin amah si lo in midang thiah ding in Mizoram Chief Minister kan nawl fawn”.
” A cung i kan duhnak le nawlnak hna khi a hlawhtlin khawh nakding in le Autonomous
District Council chungum mizapi nih ṭhanchonak lam kan hrawn khawh nakding hin Central YLA nih cun kar a hlang peng lai i, kan duhnak le nawlnak hna hi a hlawhtlin lo cun a dihdongh tiang tunak i fak hin Central nih hma a lak ṭhan peng lai. Hi kongkau ah Central YLA nih hma a laknak hi Politics thil a si lo i, Miphun issue ngan tukmi le ADC chungmi mizapi ṭhanchonak kongkau a si caah, tu nak i fak in hmalak a herh ṭhan a si zong ah Central YLA nih cun ADC chungum mizapi vialte, nan hnatlakpinak le ṭuanṭinak ṭha kha kan in nawl hna” tiah cathanh an chuah.
