LSA Nih Pu R. Lalzirliana nih ngaihthiam halnak tuah seh tiah an theihter
LSA Nih Pu R. Lalzirliana nih ngaihthiam halnak tuah seh tiah an theihter, Lai Students’ Association, General Headquarters : Lawngtlai nih Pu R. Lalzirliana, Minister, District Council & Minority Affairs Department tlaitu cu Assembly House ah a biachimmi kong ah ngaihthiam halnak tuah seh tiah cathanh an chuah.
LSA cathanh ah cun, Mizoram Legislative Assembly Budget Session 2023-2024 tuah lio 2023 Nohawng 23 ah Pu R. Lalzirliana, Minister, District Council & Minority Affairs Department nih 125th Indian Constitutional Amendment (Sixth Schedule) kongkau ah Parliamentary Standing Committee nih Mizoram cozah a sawm bantukin Mizoram cozah nih Comments a pek kongkau ah zei paoh theifiang dih in le “Congress caan lio ah vote kawlnak men in lengkhang va zar ve men a si, an zumh sawhsawh, a biapi lo taktak” tiah chim in ADC area zapi zeirello in a chim kha kan nih Lai Students’ Association nih cun a poi kan ti tuk tiah an langhter. Cun LSA nih Pu R. Lalzirliana nih Guwahati hmun Meeting zongah aa tel ve bantukin a chim, hi meeting ahhin LSA cu sawmve kan si i, kan i tel ve, kan Minister hi aa tel ve kan thei lo tiah an ti.
LSA nih cun Pu R. Lalzirliana, Minister, District Council & Minority Affairs Department hi a department zohkhenhmi aa fiang lo, “Assembly House chungah lih a chimmi a poi kan ti i kan dohkalh, kan nih ADC area zapi hmaizahnak tello in nemneh hlei ah Assembly House ah a chimmi kongkau ah ngaihthiam halnak maw cawiliammaw Assembly House hrim ah nei/tuah dingin kan duh” tiah an ti.
Hihi a hlawhtlin lo ah cun LSA nih Pu R. Lalzirliana hi cozah thil ah maw Election Campaign thil zongah maw Lawngtlai District vulei kongah i thlak lo dingin an duhnak cathanh an chuah.
