Khualpa Pu V. Zirsang, LADC, CEM
Khualpa Pu V. Zirsang, LADC, CEM ” Hi caan hi sunglawi deuh un hmang dingin duh a sinain kan hman ning aa dang deuh i hlawhtlin lo bantuk kan si, ninain nihin ah Pathian nih miphun ah a kan ser, cu miphun kan sinak langhternak caan a si. Hi Hlukhla, Tho kan ti zongah Kut kan ti zongah kan lungthin phundang in um hlah seh”.
” Miphun nih phunglam a neih, Miphun phunglam langhter tu cu miphun a si. Miphun nih a humhim a langhter a ven lo cun vulei cungah a tlau ziahmahmi an tampi. Cu miphun tlaulam cu kan zulh. Tlau lei kan kal ah cun hlawtnak kan ngei lai lo, miphun sinak langhternak ah midang kan rinh hna ah cun midang nih tuanvo an la duh tak lai lo. Miphun dang nih cun hlanghan dawhnak men lawng an duh. Hi kan hman caan zong hi tlai ko seh, nihin kan hman thawkin zei bantuk lungthin he dah kan hman ti hi ruah a hau. Kanmah nih kan miphun sunlawunak kan langhter lo ah cun kan sungtuk lai lo maw”.
” Phunglam ngei dingin Pathian nih miphun ah a kan ser. Cu miphun nih cun phunglam a ngeih. Cu langhternaj caah Hlukhla hi Laimi caah a biapi”.
” Mizoram khuathlang lei khuasa le lamhla deuh ummi hna khi Lai pasalțha hna țih ruangah a zaammi an si. Youtube ah Lai pasalțha an zaamtermi kong cu ka zoh huam lo, Whatapp i an share zong ah ka delete lengmang”.
” Nihin ah NGO hna YLA hna ka hmu hna lo sawmnak thawng nan thanh sawm hna lo caha maw si zei deuh. District Council hi nihin ah ngei hlah usilaw kut in rianțuan ding aa tam lai. District Council kan neih caah pawcawmnak kan ngei. Nihin Hlukhla ah District Council rianțuan a ra lo paoh hmalak nan si lai. An min la dih hna u, an min lak hrimhrim ding a si. Distric Council ruangah rian hmumi kan si hi hngal u”.
” Kumhnih hman a si ti lo, Godel Jubilee hman ding a si caah Hlukhla tuahnak caah chawva tlawmte lawng kan chiah. Hmailei cun zapi he sunglawi te’n tuah usih. Nihin caan miphun sinak langhternak hi kan donghnak siloin kan hram thawknak si ko seh”.
