2023 Hlukhla Khualtha Pu VL Hmuak LADC Chairman Biachim
2023 Hlukhla Khualtha Pu VL Hmuak LADC Chairman Biachim , Miphun ziarang langhternak hmun kan hman khawh hi a sunglawi tuk. Caan liamcia ah Chapchar kut le Hlukhla fonh in kan rak hmang cu hnu cun Hlukhla hi pehzulh in kalpi a si. Pehzulh thliahmah dingin mino hna nan lungah a um ruahchannak ka ngei.
Laimi gi Israel miphun bantuk kan si. A cheu Banhla, Manipur, Asaam hna le hmunkip ah kan um i, kan holh aa dang lengluang ko nain kan lungthin in kan i hlam tawn, kan lungthin nih i hmunkhat a duh.
Burma ram kan unau hna thihnak le harsatnak an tong cuahmah Bangladesh zong harnak an tong thiam, cu harnak nih cun kan i funtomnak tu ah canter hram seh. Distric cheukhat ah cun zalong in khuasaknak an ngei kho lo. Kan nih cun zalonnak kan pek hna. Nihin ah zei ruangah Distric Council rianțuantu hna kan chuah dih lo. Hlukhla zei ah kan rel lo caah maw a si, mah miphun ngeihmi kan upat lo cun miphun dang nih an kan dolh ziahmah lai.
Nulepa chan in Laiholh hmangmi rak si ning law cu Pu BN Thangpui bantukin dawh ngai in Laiholh in ka chim hnga.
Nihin Hlukhla kan tuahnak ah District rianțuantu hna nan um, nan i lawm kho ve lo maw, nihin ah miphun sinak kan langhter hih. Laihoph thiam lo nih cawn ding a si. Mizo holh cu Lushai in a rak chuakmi a si. Lushai Hills un Mizoram a chuak. Asinain Chinlung chuak unau kan si. Mizoram BA pawl cawnmi an upa holh cu Laiholh a si.
Nihin caan kan hman khawh hi a sunglawituk. Sunglawi te’n tuah a si khawhnakhnga tangka kum zongah tha te’n tuah usih. Holh nunphung tlauter lo in cawisang hna usih. Kanmah nih kan miphun kan cawisan lo ah cun midang nih an cawisang lai lo. Kan mino lungthin ah miphun lungrualnak um peng ko seh.
MLA, CEM, EM sinah ruahcuannak ngei hrim hlah usih. An kan pek lo ti hin sawh hlah usih. Cunak in a biapi deuhmi cu kan ram caah zeidah ka tuah ve ti tu hi a si. Miphun dang mino tampi China le hmun dangdang ah an kal, cucu an ram caah chawva an hmuhmi an thawh cucun ram an ser. Laifa kan si kan ram caah midang rinh hin sawh hna hlah usih.
