LADC Tang Price Control Committee nih rate dik lo thil zuar tawnmi report dingin zapi sawm

LADC Tang Price Control Committee nih rate dik lo thil zuar tawnmi report dingin zapi sawm, 2023 Nohawng 21 ah Pu C.Hrangthianga, Chairman, Price Control Committee le Executive Member i/c Revenue etc, Lai Autonomous District Council simi thithruainak in Price Control Committee ngeih a si.

Pu C.Hrangthianga nih cun. Lawngtlai khuapi hi District dang khuapi nak in thil man a fak deuh, hi ruangah District Council zong nih a si khawhchung in hma a lak tawn. Price Control Committee zong a dirh. Cu Committee hmalaknak in thil rate zong tu ah cun aa ning deuh cang tiah a ti. Cu a si lio ah rate dik lo in thil zuar mi an um rih. Hihi zapi he hmunkhat ah i bawm in rate dik lo zuar nan theih hna cun Price Control Committee ah complaint tuah lengmang ding a ti hna.

Pu C.Hrangthianga nih, thil dik lo sersiam kan duh ah cun kan tanrual a hau. Thildik lo kan complaint ahhin misual bantukin i ruat usihlaw, cozah kan bawmh a si, thildik kan duh caah a si tihi zapi nih kan hngalh ah a tha, cucaah rate dik lo in thil kan cawk a si ah cun complaint tuah dingin zapi sin cahnak a ngeih.

Price Control Committee nih cun Pu Lalmuansanga, Lawngtlai Chandmary nih Lubuk a tharchuah, Lawngtlai khuapi chungah thlai zuartu hna sinah supply a halmi cu pom a si. Hi thil hin Price Control Committee nih, kut rianțuan hlawknak ding ruat in Silchar in Lubuk lak tawnmi cu thlathum chung lak si hlah seh an ti. Tualchung mi nih an thlai tharchuah mi fawizaang in an zuar khawhnakhnga cu cozah nih a ruahpiak peng lai.