Pu T. Za Kung (MDC) A Ralthami Miphun Kan Ralchia
Pu T. Za Kung (MDC) A Ralthami Miphun Kan Ralchia ” Tuchung hrawng ka lungthin ah a ummi cu Laimi kan sinak ka ruah tikah Lai miphun sinak Lai sinak a tlau kho kan si cang. Vulei cung sining kan zoh tikah miphun tlaumi an tamtuk cang. Ram cu a tlau lai lo nain miphun a tlau lai. Nihin miphun ah miphun ralchia kan si, a raltha tawnmi miphun kan ral a chia. Mah miphun sinak a langhter ngam lo mi kan si cang”.
” Upat tihzah deuhmi kan ngeih deuh caah a si rua, miphun kip Mizoram chung zoh hna usihlaw, Lai miphun a si ko kan timi, Bawm, Pang, Mara hna le Chakma hna khi zei bantuk caan an hman hmanh ah anmah holh te’n caan an hmang, an sinak an i fiang”.
” Laimi tu nih cun mah miphun holh hmang dingah kan ruat lo, midang nih anmah sinak an kalpi, nihin kan dirhmun hi tlaunak lam a si ko. Kan nih kan zumhnak ah Missionary kan ngeih lo caah Mar sinak in Pathian kan biakawk a si lo, Lai miphun Pathian nih a kan ser, biacaihnak kan ngeih kum 1972 hnu in kan rorelnak ah mah holh hmang lo mi miphun dang holh hman ah ningzah awk a hngal lo aa tam”.
” Mara ah Laipa nih Mara EM a tuan ngam lo, zeiruangah Department ah biahalnak an ka ngeih lai i, ka let kho hna lai lo a ti caah thudan ah a thu ngam lo, a ruang cu anmah Mara holh in khuakhan lairelnak an ngeih caah a si. Miphun dang nih anmah sinak an i fiang, kan nih cu kan i thawkka a si cu hmanh ah kan lung aa rual lo ning”.
” Kan tihzahmi hna duhdan in kan lungthin a kal cun kan sinak kan philh kan dirhmun hi ngaihchia ngai a si. Ram a tlau lai lo miphun a tlau lai”.
Lairam Times Kumkhat Tlinnak Ah A Chimmi Chungin A Tawinak
