Lawngtlai Ah Chapchar Kut 2023 Tuah A Si Lai
Lawngtlai Ah Chapchar Kut 2023 Tuah A Si Lai, Nihin Nohawng 17 Lawngtlai ah Chapchar Kut 2023 hman ding kong caih in Organising Committee cu an Chairman, Lawngtlai Zipeng Pu David Lalthantluanga telh kn Lawngtlai DC Conference Hall ah caihhmainak ngei.
Chairman Pu David Lalthantluanga nih cun member aa tel kho mi hna cungah lawmhbia a chim, Chapchar Kut cu pipu hna nih sunglawi ngai in an hman tawn, miphun sinak langhter a si bantukin Lawngtlai zongah hlunghlai ngai in hman a si khawhnakhnga khuaruat cio dingin member hna cu sawmnak a ngeih . Chapchar Kut cu him le lawm te’n hmang dingin timhtuah ding Lawngtlai zapi hna cu sawmnak a ngeih.
Chapchar Kut Organising Committee ahhin State le LADC tang ah Office hruaitu hna le zaangleicawi pawl hna le District MJA aiawh hna an i trl. Chapchar Kut 2023 hmannak ah thil herhhai hna chim in, hlunghlai te’n hman a si nakhnga timhtuah a si. Organising Committee aiawh ah Chapchar Kut hmannak ah thilherh pehzulh dingin Additional Deputy Commissioner Pu Abraham Beirazi Khithie thithruainak tangah Working Committee dirh a si fawn.
Chapchar Kut hi 2023 Vaute 3 ah Lawngtlai Zipeng zung ah hman ding a si. Lawngtlai Zipeng cu Kut ah Chief Guest le Mizoram Assembly Deputy Speaker Pu H. Biakzaua cu Guest Honor ah ruahcuan a si.
Kut onnak ah hlado sak in thanthlah a si lai, hlasa hna nih Kut onnak hla an sak lai. Hi ahhin miphun kip sining zoh ding a um lai. Ram pumhuap hlasakthiam min ngei hna le tualchung hlasak thiam hna sawm an si lai. Chapchar Kut Miss, Little Miss le Little Mister hna thim an si lai.
