6th Batch, ANM School Lawngtlai Cawngmi Hna Caah Capping & Lamp Lighting Ceremony Tuah A Si

6th Batch, ANM School Lawngtlai Cawngmi Hna Caah Capping & Lamp Lighting Ceremony Tuah A Si, Nihin ah ANM (Auxiliary Nursing Midwifery) School, Lawngtlai nih cun an School Auditorium ah 6th batch cawnglio luchin chinhternak le Capping and Lamp Lighting Ceremony an tuah.

Hi caan hi District Hospital Lawngtlai ah District Medical Superintendent Dr Beiparysa K. nih a hmanpi hna. ANM School nih “Learning for life” tiah tlangtar in an ngeih cu hlunghlai te’n le cawn ding cawn le an tuannak zongah cawn timh peng in a cah hna. Mi zawfak zohkhenhmi cungah mithmai chia ngeih lo dingin le panh ziahmah te’n um dingin a cah hna.

Hi caan ahhin Nursing School Lunglei Principal Pi F. Laltlangmawii nih cun 6th batch cawngthar mi hna cu luchin chinh in, cawngthar mi hna nih biakamnak an tuah. Pi F. Laltlangmawii nih cun luchin nih cun midang bawmhchanh dingin mawhphurhnak a zawi chih, a rangmi nih cun thianhlimnak a langhter tiah a chim.

Hi caan hi Tutor Miss RC Vanlalhlimpuii nih a hruai i, ANM School Lawngtlai Female Voice in hlasaknak he an on. Lairam Christian Medical Centre & Hospital, Lawngtlai ah Ward Superintendent Pi C. Lalchhuansangi nih caanzarh hmang in, School Principal Pi C. Rothangpuii nih School Report tlangpi a chim. BCM Electric Veng Lawngtlai Chairman Upa A. Suiṭhiaua le LCMC&H Nursing Superintendent Pi TC Lalfinengi hna nih bia an chim. Kum 2022 Mizoram Nursing Council Examination ah ANM School Lawngtlai in top 10 hmu 1st year cawnglio minung pathum le 2nd year cawnglio minung pali sinah conglawmhnak (proficiency award) pek a si.