Lawngtlai ah India Republic Day voi 74-nak lawmh a si
Lawngtlai ah India Republic Day voi 74-nak lawmh a si, Nihin ah India Republic Day voi 74-nak cu Lawngtlai Central YLA certual ah lawmh a si. Lawngtlai zipeng Pu Amol Srivastava, IAS cu khuallian a si.
Zing niceu ka in cozah zung le hmun biapi hna ah India ram puanlaang/thantar zar a si, zing suimilaam 8 ah CYLA certual ah khuallian nih ram puanlaang/thantae cu a thlai i, ram puanlaang kuttlaihnak Parade Contingent 23 cu tuah a si i, Republic Day biacah a chim fawn.
Khuallian nih caan liamcia le nihin tiang zaanghleicawi , media le zapi, cozah department nih tuanpinak cungah lawmhbia a chim. District thanchonak caah tuankhat dingin sawmnak a tuah. Police, Excise le Central YLA Drugs Reduction Squad (DRS) nih rithaisii an dohnak lamthluan ah an hmalaknak cu a chimthiam hna. Mino venhimnak lamthluan ah riantuannak tha tuk a si tiah a chim. Thiannak lei ah UD&PA Department le LADC Sanitation Department zaangleicawinaj in le VC, NGO, Khrihfabu, media le zapi tuanpinak tha cu lawmh a um tuk tiah a chim. Lawngtlai District nih Mizoram khuapi laknak thiannak lei ah thancho rangbik lawmhpinak “Fastest Mover Award” a hmuh cu lawmh a um tuk tiah a chim fawn.
Republic Day lawmhnak ceremonial parade ahhin armed contingent 1, unarmed contingent 4 le school contingent 18 a um i, khuallian biachim dih in lawmhpinak pek a si. NCC Don Bosco School cu pakhatnak, pahnihnak Government Region Higher Secondary School Girls le pathumnak Harvard English School hna an si. Mizoram Police Armed Contingent le Parade Contingent dang 19 cu Participation Prize pek an si, Parade Commander SI (AB) K. Lallianuka le khuang tumtu le Judge hna zong lamwhpinak tuahpiak an si.
Ceremonial parade lawmh hlei ah Republic Day ahhin a tanglei mi hna hi lamwhpinak phunphun pek an si, khuallian Pu Amol Srivastava hlei ah, thiannak lei lawmhpinak cu LADC Executive Member i/c Sanitation Pu Lalropuia Cinzah le zaanglek lei cu LADC Executive Member i/c Sports & Youth Services Pu C. Hrangṭhianga nih an pek hna.
- Drugs Reduction Squad (DRS), Central Young Lai Association:
Lawngtlai District ah rithaisii dohnak lamthluan ah tuantha mi conglawmhnak pek a si. 2022 Zing 2 ah dirh a si i, 2022 Zing 14 ah hmalaknak an thawk. Drugs, ganja le zu sing zeimawzat man an tlaih cang, a zuartu hna cu Police le Excise lei ah phanhpi in case tuahpiak an si, a tuahtu an tlaihmi hna hi Lairam Rescue Centre le TNT ah an chiah, an nun an i thlennakhnga hma an lak.
- UD&PA Department tang thianghlimbik :
1) Sang thianghlimbik
Pakhatnak – AOC Veng, Lawngtlai
Pahnihnak – Bethel Veng, Lawngtlai
Pathumnak – Chandmary, Lawngtlai
2) Cozah cawnnak inn thiangbik: Govt Bazar Middle School
3) Institution thiangbik: ANM School, Lawngtlai
4) Cozah zung thiangbik : Executive Engineer office, P&E Lawngtlai Power Division
5) Sii-inn thiangbik : District Hospital, Lawngtlai
6) Hotel thiangbik: Sugar & Spice – Dingdi, Bazar, Lawngtlai
7) Restaurant thiangbik: MB Restaurant, Chandmary, Lawngtlai
8) Appreciation citation:
(i) V. Lalngaihthangi, AOC Veng – Local Ambassador, SBM (U)
(ii) NSS Govt Lawngtlai College
(iii) NSS Govt Region Higher Secondary School
(iv) Downtown English School Eco Club
- Republic Day, 2023 3rd Inter-Club Badminton Tournament champion: Lawngtlai Chandmary Badminton Club
- Republic Day Volleyball Running Trophy winner: H. Rinmawia Memorial Volleyball Club, Lawngtlai Vengpui
Cu hlei ah Assam Rifles lei in minung 6 sinah wheelchair pek a si fawn.
Nihin Lawngtlai ah Republic Day lawmhnak ahhin Lai Autonomous District Council Chief Executive Member charge latu Pu Lallawmsanga Apetow, Chairman Pu VL Hmuaka, LADC member hna le Lawngtlai Superintendent of Police Pu Rakesh Paweriya, IPS hna leng ah, State le LADC official hna, ex-servicemen hna, political party le zaanghleicawi aiawh hna, media hna, lawmhpinak pekmi hna, cawng lio le zapi thahnem ngai an i tel. Cun lawngtlai zipeng Bangla, Chawnhu-ah ‘VIP At Home’ caan hman a si.
Tukum Republic Day ahhim Lawngtlai District Republic Day Celebration Committee nih cun District Hospital Lawngtlai, Christian Hospital Lawngtlai, Lairam Christian Medical Centre & Hospital, Lairam Motherless Home, District Jail, Lairam Rescue Centre le Gilead Drop-In Centre ah bawmhnak ₹ 2,000/ cio an pek hna.
