Phadei Holh Baibal Pekchanhnak Ngei
Phadei Holh Baibal Pekchanhnak Ngei, Phadei holh Baibal Thianghlim pekchanhnak cu 2022 Dipa 30 ni ah Falam AG biakinn ah an tuah. Falam peng Bual Khua, Phaizawl unau pawl i holh in lehmi Baibal a si, a lettu hi Rev. N Tsong Sum a si.
Biakam thar hi 1993 Vaute thla ah leh aa thawk i 1994 Vaute thla a leh dih. Rev.Dr S Hre Kio nih lehmi Holy Bible (Falam Baibal) zohchih in a rak leh thawk i Mizo le Halkha, Tedim Baibal zong aa zohchih.
Cawnnak sang ngei a silo ruangah Biakam hlun cu let ngam dingin a ruat lo na’n Rev. S Nun Tiam (Bual Khua) nih Falam Baibal zohchih in let ko, Greek le Hebrew Bible zohchih in lehmi a si tiah thazaang a pek i, kum 1994 Vaupi ah Biakam hlun lehhram aa thawk i, kum 1997 Hniang ah a lim.
Cauk hi chuah kho dingin a um cang nain chawva harsatnak ruangah chuah kho lo in a rak um, cu lio ah Kalay Pyidawta khua i EBC Pastor Tun Khen Khup nih Rev.Dr. Go Za Kham a pehtlaih i Computer set khat le tangka sing 60 a rak bawmh i, Baibal cauk 3,000 an rak tuah i 2011 Nohawng 15 ah Kalay Peng Zion Baptist church Tayakung ah pekchanhnak an rak ngei. Hi pekchanhnak an ngeih ahhin Baibal a leh in kum 18 a rauh hnuah a si.
Baibal min an ruah tikah Rev.Dr S Hre Kio nih ruahnak a pek hna bantukin Bual khua, Phaizawl khua hna Pa bik a si mi Pu Phadei min lakin Phadei holh tiah commitee nih min an rak pek.
Hmasa i an rak chuahmi Baibal cu a catlap a sah i a rih deuh ruangah tutan ah Baibal cahnah kel in chuah a si i 2022 Tho 15 ah Rangon ah pekchanhnak an rak ngei cang.
Rev. N Tsong Sum cu Falam peng Phaizawl khua chuak, Kalay peng Tayakung(N/W) Zion Baptist Church Pastor a si i, a Baibal lehmi firts Edition an ap kum 2011 Biangreithlep 1 ah Pathian sinah aa din cang.
