2023 Ah Vulei Cung Chawlehnak Chia Kho Tiah IMF Nih Ruahdamh
2023 Ah Vulei Cung Chawlehnak Chia Kho Tiah IMF Nih Ruahdamh, Vulei cung chawlehnak ramngan a si mi American, Europe le China ram ah chawlehnak thazaang a der kho, cucaah kum 2023 vulei cung chawlehnak hmun tampi ah harnak a um kho tiah International Monetary Fund(IMF) nih an chim.
A luanciami kumnak in tukum chungah harnak a tam deuh kho tiah International Monetary Fund mangkibawi Kristalina Georgieva nih CBS thawngpang thanhnak simi “Face the Nation” zarhpini ah a chim.
Chawlehnak thazaang ngan, American, Europe, China ram hna ah chawlehnak a tumchok kho tiah a chin fawn, Tho thlachung i International Monetary Fund nih an thanh ning ah, Ukraine ral ruangah tangka in bawmhnak, American center bank nih bank a karhter in thiltuah ruangah tukum 2023 chawlehnak cu a tla deuh ko lai tiah an ruahdamh.
Kum 2022 China ram chawlehnak a thancho ning hi kum 40 chungah a voikhatnak vulei cungah a thangchomi a sinak zong International Monetary Fund riansanhtlai nih an chim. China ram ah a ra laimi thlachung ah Covid zawtnak a chuak than lai ti zumh a si caah tukum China chawlehnak zong a hnorsuan lai tiah ralrinnak bia zong an chim chih.
